زوجتي المصون ج٢

🌸🌸🌸🌸🌸🌸🌸🌸
داخل مكتب رائيس مجلس الادارة
دخل عمر ومعه هنا
هنا / نعم اديني جيت معاك مكتبك عايز ايه
عمر / عايزك متزعليش مني انا مقدرش علي زعلك
هنا / علي فكره احنا من يوم ماتجوزنا وانت مابتعملش حاجه غير تزعلني
نظر لها عمر وهو يبتسم بسخريه علي حالهم
عمر / اتجوزنا ااه هو انتي فاكره ان احنا كدا متجوزين دا أنا لو سلمت عليكي بلاقي حد جه وقطع علينا السلام
ضحكت هنا كثيراً عليه وهو يتكلم بهذه الطريق
انتهز عمر ضحكتها واقترب منها اكتر وهو يتحدث اليه برقه
عمر / أنا بحبك
نظرت اليه بعشق وسعاده ثم تحدثت بخجل
هنا / وانا كمان بس انت علي طول تزعلني
عمر / يبقى من حقك اني اصالحك دلوقتي
اقترب منها اكتر وهو يضمها اليه حتي اصبح لا يفصل بينهما شئ اقترب كثيرا وهو ينظر الي شفاتيها بعشق كانت تنظر له بحب وهي تستقبل قبلته بكل سعاده وحب حتي اقترب منها اكتر
وقبل ان يلمس شفاتيها فتح الباب فجأه

🌸🌸🌸🌸🌸🌸🌸🌸

اتجه مازن الي مكتب عمر بحماس ليخبره عن موعد ذهابهم لخطبة دينا
فتح الباب سريعا بدون أستأذان لكنه تفاجاء من وجود هنا مع عمر وحاول الاعتذار وغلق الباب مره أخرى لكن هنا وقفته وهي تذهب مسرعه من المكتب بخجل
مازن / انا اسف هجيلك وقت تاني
هنا / لا يابشمهندس اتفضل انا رايحه علي شغلي عن اذنكم
ذهبت هنا سريعا وتركتهم بالمكتب
نظر له عمر بغيظ اراد في في هذه اللحظه قتل مازن
مازن / لاء ماتبصليش كدا والله انا كنت فاكرك لوحدك معرفش
ذهب عمر الي مكتبه وهو يتحدث اليه بغيظ
عمر / عارف يا مازن لولا انك صحبي انا كنت قتلتك دلوقتي امش من قدامي دلوقتي احسن
اقترب منه مازن وهو يدعي الحزن
مازن / بقى كدا ياعمر عايز تقتلني وانا الا كنت جاي افرحك
نظر اليه عمر بعدم فهم
عمر / تفرحني بإيه
مازن / ايه اكتر حاجه اتمنتها في حياتك
عمر / انت هتقولي فوازير ماتخلص
مازن / ركز معايا ايه اكتر حلم انت حلمت بيه ونفسك يتحقق
نظر له عمر بستغراب وهو يهز رأسه بعدم فهم
عمر / ايه
مازن / انا قررت احققلك حلمك وخلاص هتجوز
ضغط عمر علي شفاتيه بغيظ وهو ينظر لمازن
عمر / يعني حلم حياتي وامنية حياتي وكل الا انت قولته ده هتحققه بأنك تتجوز
نظر له مازن وهو يعدل في ملابسه بفخر
مازن / ايه رأيك
وقف عمر بغيظ
عمر / رأى اني اقتلك يامازن بقى انا حلم عمري ان انت تتجوز طب قول اتجوز انا الاول
نظر اليه مازن بقلق وهو يتوقع منه اي فعل جنوني وحاول الاقتراب من باب المكتب
مازن / لا بقولك ايه اهدى كدا دا انا عريييسس
خرج مازن من المكتب هارباً بسرعه قبل ان يمسك به عمر