صراعات الحياة
بقلم يارا عبد العزيز
ندى بعصبية انت بتضحك ليه بقولك مين سارة دى
زياد بضحك عشان انتى هبلة سارة دى اختى وخطيبة سيف
ندى بطفولة قول والله
زياد بأببتسامة اظهرت وسامته والله
حكى زياد لندى اللى حصل مع سيف
ندى پخوف طب هو عامل ايه دلوقتي
زياد كويس الحمد لله لولا الممرضه اللى اتبرعتله پالدم كان ممكن يحصله حاجه لا قدر الله
ندى ربنا يجزيه كل خير حقيقي ويجعله فى ميزان حسناتها
زياد هو انتى غيرتى
ندى بتوتر هاا وانا اغير ليه اصلا
زياد وهو بيقر ب منها اومال كنتى بتعيطى ليه
ندى عشان انت زعقــ . ـــتلى
مسك ايدها وقبلها وبص فى عينيها انا اسف بس من خوفى على سيف والله. رفعت نفسها لمستواه وهى بتقف على رجله وحضـ,ـنته استغرب زياد من حركتها بس حس بشعور حلو جدا حاوط بأيده ظهرها
ندى انت كويس دلوقتي
زياد كان يوم صعب اوى
بدأت تربط على ظهره بحنية كبيرة الحمد لله عدى على خير
حاولت تبعد بس فضل ماسكها بشدة حسيت ان عظامها هتتكـ,ـسر من اثر مسكته
ندى زياد
زياد هاا
ندى ممكن تبعد
زياد بعد عنها بص لعيونها ورموشها الكثيفة المبتلة من اثر دموعها زال دموعها بأبهامه وقرب من خدها وقبله بحنية مفرطة
متعيطيش تانى انتى مش عارفه دموعك دى بتعمل فيا ايه
ندى وانت مش عارف قربك دا بيعمل فيا انا ايه
زياد بعد عنها وهو بيفوق من توهانه فيها انا اسف
هزت راسها بخجل
________________________________________
سيف بعصبية انت ازاى متقولهاش تمشى انتوا ايه مفيش فى قلوبكم رحمة
يا فندم دى قوانين المستشفى
سيف بعصبية مفرطة قوانين المستشفى تقولكوا تأذوا اللى شغالين فيها كدا
خلاص يباشا احنا هنعمل كل اللى حضرتك تقول عليه
سيف هتاخد اجازة اسبوع وبالمرتب بتاعها عادى مش هيتخصم منه قرش واحد
تمام يا سيف باشا بس ارجوك مضايقيش نفسك
حياة وقتها بصتله وابتسمت قطع شرودها فيه رنيت فونها
حياة الو السلام عليكم
حياة پخوف شديد وصدمة بتقولى ايه
نهى فيه ايه يحياة
حياة پخوف ماما تعبت انا لازم امشى
نهى الوقت اتأخر اكيد مش هتلاقى تاكسى دلوقتي
سيف انا ممكن اوصلك
حياة وقتها كانت عايزة تروح لمامتها بأى طريقة فمكنش قدامها اى حل غيره
نهى حضرتك تعبان
سيف انا تمام يلا
سيف استأذن المدير ان نهى تروح معاهم عشان حياة متبقاش معاه لوحدها بالفعل وصل سيف حياة ونهى وراح معاها بيتها كان عبارة عن بيت صغير فى احد حوراى القاهرة
دخلت بسرعة البيت لقيت الناس حولين مامتها المغمى عليها وقاطعة النفس
حياة پخوف شديد وبكاء ماما ماما ردى عليا حد يرن على الاسعاف بسرعة
