زهرة وزين
شاور بإيده على شاشة الكمبيوتر اللي في المكتب، اللي كان عليها فيديو الحفلة وهو بيعرض لحظة اعتـ . ـــدا أياد على زهرة ودفاعها عن نفسها. “الڤيديو ده يا أياد، هو نهاية لعبتك القذرة.”
وهو بيبص للموظفين المصدومين اللي اتجمعوا حواليهم، قال بصوت عالي وواضح: “اللي بيحصل ده قدام عينيكوا، ده جزاء أي واحد يفكر بس يمد إيده على واحدة ست بريئة، خصوصاً لو كانت مراتي!”
وطلع من المكتب، وساب أياد مرمي على الأرض، وشوشة الموظفين بدأت تعلى، وسيرة الفضيحة اللي عملها زين لأياد في شركته انتشرت في كل مكان زي النــ ــار في الهشيم.زين بعد ما خلص من أياد، كانت وجهته اللي بعد كده هي البلد. كان لازم يواجههم، لازم يحط النقط على الحروف، وبالذات مع اللي كانوا السبب في كل اللي حصل لزهرة. وصل بيت عمه في البلد، ودخل البيت اللي كان مليان صمت غريب. عمه قاعد على كرسيه، ومرات عمه بتتحرك حواليه في صمت.
زين دخل وقعد قصادهم، مكنش فيه أي مقد.مات. بص لعمه اللي كان وشه متغير من الشلل، وبعدين لمرات عمه اللي كانت بتبص له باستغراب.
“أنا عرفت الحقيقة كلها.” قالها زين بصوت ثابت وهادي، بس وراه بركان غضــ . ــب مكبوت.
مرات عمه حاولت تتكلم، بس زين رفع إيده عشان يسكتها: “عرفت إنك يا مرات عمي، كدبتي عليا. كدبتي عليا وقولتيلي إن زهرة غلطت وكنت حامل، وكل ده عشان أجبرها على الجواز مني.”
مرات عمه وشها اتخطف، وبدأت تتمتم بكلمات مش مفهومة، بتحاول تنكر.
“متحاوليش تنكري.” قالها زين وهو بيخرج تليفونه ويوريهم الفيديو بتاع كاميرات المراقبة اللي سجل اعتـ . ـــدا أياد على زهرة ودفاعها عن نفسها. “عرفت كل حاجة. وعرفت إن أياد كداب، وإن زهرة مظلومة، وإنها بنت شريفة زي ما قالت.”
عينيه لمعت بغضــ . ــب وهو بيبص لمرات عمه: “وكل اللي حصلها ده، وكل اللي أنا عملته فيها، بسبب كدبتك البشعة. بسبب إنك اتفقتي مع أياد عشان تلفقولها تهمة تخليها تتجوزني عشان فلوسي!”
بعدها، بص لعمه بنظرة لوم وحزن: “وأنت يا عمي، كنت فين من كل ده؟ ازاي سمحت بالكلام ده يحصل تحت سقف بيتك؟”
عمه مكنش قادر يرد، عينيه كانت بتلمع بالند.م والحزن، هز راسه بإيجاب ضعيف.
“أنا عايزكم كلكم، أنتِ يا مرات عمي، وأنت يا عمي، تروحوا لزهرة، وتعتذرولها. تعتذرولها على كل كلمة، وعلى كل ظلــ . ــم، وعلى كل وجع سببتوهولها. عايزكم تردوا لها اعتبارها بنفسكوا. ده أقل حاجة ممكن تعملوها بعد اللي حصل.”
