وجلا الليل ج1

أخذت تمسد على قدميها بخفة سرعان ما انتفضت على أثر صوت نورا الغاضب قائلة بحقد :- ما تشهلي هتاخدي النهار كله تعملي في الوكل إياك !

جزت على أسنانها بغيظ كتمته ببراعة وهتفت بهدوء :- لاه ثواني ويكون الوكل چاهز، وبعدين أنتِ ملكيش صالح .

رفعت حاجبها باستنكار وصدمة قائلة وهي تشير إلى ذاتها بتكبر :- مين دة اللي ملهاش صالح يا بت عطيات لا فوقي إكدة لا تكوني نسيتي نفسك يا بت الخدامة .

لمع الدمع بعينيها فهتفت بحزن :- وفيها إيه مش بتشتغل شغلانة حلال إيه اللي هيعيبها ؟

تقدمت منها و جذبتها من شعرها بقوة أطلقت صرخة ألم على أثرها وهي تتلوى ألمًا في محاولة منها لفك قبضتها من على شعرها الذي كادت أن تقتلعه من جذوره فأردفت نورا بغضب :- انتي هتوقفي في وشي وتعارضيني كمان !