يتيمة في قبضة صعيدي ج1

ملك لنفسها هو قال نكمل كلامنا بعدين بس مجاش ولا اتكلم معايا

عده ساعات كتير وهي مستنياه بس هو مجاش وبعد الساعه 2 بعد منتصف الليل ملك زهقت وقررت تنام طفت النور وسحبت الغطا عليها فجأه الباب بيتفتح والنور بيشتغل ليدخل عز بهدوء وملك بتتخض وبتقوم انا كنت هنام!

عز بهدوء بدون ما يقرب كنتي هتنامي من غير منتكلم

ملك كنت فاكراك مش هتيجي.. او هتسكت ذي مسكت تحت.. سكت ليه وسيبتي في الموقف دا لوحدي انا كنت هتجنن عشان تقول كلمه بس انت متكلمتش

عز قرب خطوتين عشان سيف مش فارقلي.. ولا الضابط فارقلي.. ولا قرارك فارقلي

ملك بدهشه مش فارقلك

عز أيوة كل الي حصل تحت مدخلش دماغي لاني انا مبسبش حاجه تخصني بسهوله وحتي لو كنتي قولتي انك مخطوفه ومشيتي معاهم كنت هجيبك بطرقتي..

بس اتبسطت منك

ملك بفرحه حاولت تداريها لما قاله مبسبش حاجه تخصني بسهوله

ثم قالت باستغراب اتبسطت مني انا ليه

عز عشان خدتي قرارك قدام الناس دي كلها ولوحدك

ملك القرار كان صعب جدا

عز انتي كنتي قدها براڤو

ملك لاول مره حست بقوه وان عز بيدعمها مش ضدها

—

ولا بيحاول يسيطر عليها شكرا ياعز

عز هز راسه بدون كلام بس انتي ليه اختارتي تقعدي هنا

ملك مش عارفه انا كنت تايهه.. لقيتني بقول كدا

عز طيب نامي دلوقتي تصبحي علي خير

ملك ابتسمت وانت من أهله

عز كان هيخرج بس ملك بتوتر قالت أنا أسفه بخصوص الي حصل تحت

عز بيلفلها ويعقد حاجبيه اية الي حصل تحت

ملك بخجل وهمس بدأت تقول كلام مش مفهوم يعني لما انا وانت كنا..وفياض

عز بفهم أه افتكرت انسي

ملك بجد انت انسان غريب اوي

عز غريب ليه

ملك اوقات تكون حنين وكلامك هين لين أوقات تانيه بتكون اقسي من الصخر اوقات بحس باأمان وانت موجود وأوقات بخاف منك مش عارفه احدد انت ايه بالظبط

عز ابتسم بخفه وغموض متفكريش كتير تصبحي علي خير

ملك بعدم فهم وانت من اهله

ملك لاول مره بتحس بشئ بداخلها بيشدها ناحيه عز هي مش عارفه تحدده هل هو غموضه ولا حاجه تاني

تاني يوم

القصر كله كان هادي الكل نايم وفجأه بيسمعوا صوت زعيق بنت

الكل اتخض وافتكر انه فيه مصېبه

الخدم والحراس طلعوا يجروا علي الصاله

جليله قامت مفزوعه من الصوت

البنت عززززز انت فينننننن

جليله استر يارب استر الصوت دا مش غريب عليا!!!!

فياض قام من غير حتي ميغسل وشه وجري علي الصاله