س الصمت خيم على قاعه العزا
الصمت خيم على قاعة العزا كلها أول ما الراجل اللي كان واقف في آخر القاعة قال الجملة دي.
كل العيون اتلفتت ناحيته.
كان راجل كبير في السن، لابس بدلة بسيطة، وشكله عليه الوقار.
كريم اتوتر فجأة.
ـ إنت مين؟
الراجل قرب خطوة وقال:
ـ اسمي عم سيد… السواق اللي كان بيوصل مدام ندى للدكتور كل شهر.
مروة ضيقت عينيها.
افتكرته.
فعلاً كانت ندى بتتكلم عنه دايمًا.
عم سيد طلع فلاشة صغيرة من جيبه وقال:
ـ المرحومة ادتهالي قبل ما تموت بيوم وقالتلي لو حصلي حاجة أوعي تسلمها غير لأختي مروة.
وش كريم اصفر.
أما ياسمين فبدأت تبص حواليها بخوف.
مروة أخدت الفلاشة بإيد ثابتة وقالت:
ـ هنشوفها دلوقتي.
واحد من الموجودين جاب لاب توب من المكتب الملحق بالقاعة.
وبعد لحظات ظهر فيديو.
وظهر وش ندى.
كانت مرهقة.
وشها شاحب.
لكن عيونها مليانة خوف.
وقالت بصوت متقطع:
“لو الفيديو ده بيتعرض يبقى أنا غالبًا مش موجودة.
أنا ندى السيوفي.
وبقول الكلام ده بكامل إرادتي.
أنا خايفة.
خايفة من جوزي كريم.
بقاله شهور بيضغط عليا عشان أتنازل عن نصيبي في الشركة اللي ورثتها عن بابا.
ولما رفضت بدأ يعاملني بطريقة مخيفة.
وآخر مرة هددني وقاللي بالحرف…
يا توقعي يا هتخسري كل حاجة.”
أم ندى انهارت في العياط.
أما كريم فصرخ:
ـ الفيديو متفبرك!
لكن ندى كملت.
“ولو حصلي حاجة أو البيبي حصله حاجة… فمروة لازم تعرف إن كريم على علاقة بياسمين من أكتر من سنة.
وفي ملفات ومستندات مخبية في الخزنة اللي في الفيلا.”
الكل بقى يبص ناحية ياسمين.
البنت اترعبت.
مروة بصت لكريم وقالت:
ـ لسه هتنكر؟
كريم فقد أعصابه.
ـ دي كانت مريضة نفسياً!
لكن مروة رفعت البطاقة تاني وقالت:
ـ كفاية.
أنت متهم رسميًا من اللحظة دي.
وفي ثواني، دخل أربعة رجال من الأمن كانوا واقفين برة.
كريم حاول يجري.
لكن قبضوا عليه.
أما ياسمين فصرخت:
ـ أنا مالي!
لكن مروة بصتلها وقالت:
ـ هنعرف حالًا مالك.
بعد يومين.
نتائج الطب الشرعي قلبت القض..ية كلها.
ندى ما ماتتش أثناء الولادة زي ما التقرير الأول قال.
المفاجأة إن مادة معينة اتوجدت في جسمها.
مادة ممنوعة للحوامل.
جرعات صغيرة منها بتسبب مضاعفات خطيرة.
ومع استمرار استخدامها بتؤدي للوفاة.
كريم كان الوحيد اللي بيجهز أدويتها.
أما ياسمين فكانت بتشتغل معاه في الشركة.
ومع التحقيقات، بدأت الدنيا تتكشف.
