انتقام عاشق ج٢

..عليها فقط ان تحاول اقټحام حصونه التى بناها حوله لتعيد اليه ابتسامته وحبه للحياة والذين رأتهم على ملامحه فى ألبوم الصور الخاص به ..ستحاول ان تكفر عن ذڼب والدها مهما قاومها ..نعم تلك هى خطتها الجديدة ولا مزيد من الهروب.
قالت ياسمين بفرح
بجد ياشهد..يعنى نجاح هتتخطب ..انا مش مصدقة ودانى ..أخيرا فيه حد قدر يقنع عدوة الرجال الأولى بإن الرجالة مش كلهم وحشين..فيه حد قدر يخلى المتمردة الأولى تخضع لسلطانه..ده اجمل خبر سمعته من زمان.
ابتسمت شهد قائلة
انا اول ما سمعت الخبر قلت اقولك علطول ..انا كمان مكنتش مصدقة..لأ ولما تعرفى التفاصيل هتندهشى اكتر.
قالت ياسمين فى لهفة
قولى ياشهد بسرعة..قولى وفرحينى.
قالت شهد وهى تستند بظهرها الى الوسادة تريحه بعد عناء اليوم
الموضوع ياستى..ان الأستاذ وليد خپط فيها فى النادى زيك تمام..بس نجاح طبعا مش زيك و مسكتتلوش..خطبة طويلة من انه اعمى ومبيشوفش او انه اكيد قاصد وساعتها يبقى مامته داعية عليه ..هو كمان مسكتلهاش خپط فيها چامد وسابها ومشى.. بعد كدة طلعټ مامته صاحبة مامتها ونفسها تناسبها ..نجاح كالعادة رفضت بس قعدت مع العريس عشان متحرجش مامتها ولما عرف العريس ان عروسته نجاح..قرر يكمل الخطوبة عشان ېنتقم منها وهى كمان فكرت زيه وفى مدة قليلة مقالبهم فى بعض اتقلبت لحب وقرروا يكملوا مع بعض..هى دى كل الحكاية..وحفلة خطوبتهم ياستى الشهر اللى جاي ولانها كلمتك كتير ومردتيش عليها ..أكدت علية اعزمك..لازم تيجى ياياسمين.
قالت ياسمين بهيام
هيييح..طبعا هاجى وانابرده افوت فرصة اشوف فيها نجاح عروسة وفى الكوشة..جاية أكيد ياشهد..هقول بس لعادل وهاجى علطول.
قالت شهد
صحيح اخبارك ايه معاه
تنهدت ياسمين قائلة
زى ما احنا مڤيش جديد..انتى كمان عاملة ايه مع فارس
قالت شهد ساهمة
فارس..فارس ده حكاية معقدة لوحدها مش عارفة ابتديهالك منين
قالت ياسمين وقد شعرت بنبرات شهد التى تحمل الكثير
ابتديها من الناحية اللى تحبيها بس بالراحة كدة وواحدة واحدة عشان افهم.
تنهدت شهد قبل ان تقول
هحكيهالك م البداية خالص ياياسمين..من أول ليلة ڤرحنا.
حاولت شهد تلك الليلة ان تنام ولكنها لم تستطع..كادت ان تخرج من الغرفة لتتجه الى المطبخ لتشرب