فريده

فريده اتصدمت لما سمعت الكلام ده وقلبها دق بسرعه وجريت على بره وهي مش مصدقه اللي سمعته معقول الدكتور البارد اللي كل الناس بتخاف منه بيحبها هي وبيغير عليها من اسر عشان كده اجبرها تشتغل مع اسر عشان يشوف هتتصرف ازاي وعشان يبقى قريب منها ويشوفها طول الوقت

راحت لياسمين وغاده وحكت لهم كل حاجه وهم اتصدموا زيها بالظبط ياسمين قالت لها يا نهار ابيض ده طلع بيحبك بجد غاده قالت لها طب وانتي هتعملي ايه دلوقتي فريده قالت لها مش عارفه انا ملخبطه اوي انا كنت فاكره انه بارد ورخم بس طلع بيحبني وده مخليني متلخبطه

تاني يوم كان عندهم عرض مهم لمشروع التخرج قدام لجنه من الدكاتره وفريده واسر كانوا محضرين كل حاجه كويس جدا ودخلوا يعرضوا المشروع وكان العرض حلو جدا وكل الدكاتره انبهروا بيهم الا الدكتور ياسين اللي كان قاعد ساكت ومبيقولش اي حاجه وبعد ما خلصوا الدكتور ياسين قام وقال لهم مبروك المشروع ممتاز وتستاهلوا امتياز فريده بصت له ولقت في عينيه نظره حب وحزن في نفس الوقت

بعد العرض اسر قال لفريده فريده انا عايز اعترف لك بحاجه انا من زمان وانا معجب بيكي وكنت بستفزك عشان تاخدي بالك مني بس انا دلوقتي بحبك بجد فريده اتصدمت وقالت له اسر انا مش عارفه اقول لك ايه انا مقدره مشاعرك بس انا محتاجه وقت افكر اسر قال لها خدي وقتك وانا هستناكي

فريده روحت البيت وهي دماغها هتنفجر من التفكير من ناحيه اسر اللي طلع بيحبها وهي كمان بدأت تحبه ومن ناحيه الدكتور ياسين اللي بيحبها من اول يوم شافها فيه وبيغير عليها ومش عارف يعمل ايه وقررت انها لازم تتكلم مع الدكتور ياسين وتواجهه

راحت له المكتب تاني يوم وقالت له يا دكتور انا عايزه اتكلم مع حضرتك في موضوع شخصي قال لها اتفضلي يا فريده قالت له انا سمعتك وانت بتتكلم مع دكتور زميلك وعرفت انك بتحبني الدكتور اتصدم ووشه احمر وقال لها انتي سمعتي ايه قالت له سمعت كل حاجه وعرفت انك اجبرتني اشتغل مع اسر عشان بتغير عليا منه

الدكتور سكت شويه وبعدين قال لها ايوه يا فريده انا بحبك من اول محاضره شفتك فيها حبيت ذكائك وحماسك وحبك للعلم وكنت بحاول اقرب منك بس مكنتش عارف ازاي وانا عارف اني غلطت لما اجبرتك تشتغلي مع اسر بس كنت عايز اشوفك هتتصرفي ازاي وكنت بغير عليكي منه غصب عني فريده قالت له يا دكتور انا مقدره مشاعرك جدا وانت دكتور عظيم وانا باحترمك جدا بس انا قلبي مع حد تاني