نفوس قاسية ج4

تنهدت فاطمة بحب وقالت:
– عارف يا رشدي كان معاك أنك تقول لي أن اللحظة الخاصة بينا لازم تكون بطقوس خاصة، أنا لو كنت بحبك زمان دلوقتي أنا حاسة أني بعشقك فوق العشق بكتير أنت حنين أوي يا رشدي ونفسي يبقى عندي ولاد كتير أوي منك.

مال رشدي عليها وقال:
– طيب يادوب بقى نلحق نجيب أول توام ما أنتِ عارفة احنا عيلة بتجيب توائم.

ضحكت فاطمة وهي تستقبل رشدي بين ذراعيها ليحملها على جناح عشقه لها.

————–

جلست جنة تراقب الماء وهي تضم ساقيها إلى صدرها فشعرت بيد توضع على كتفها فالتفتت فشاهدت والدتها تجلس بجانبها فقالت سهر لها:
– أيه يا قلبي قاعدة لوحدك كده ليه؟ هو احنا جايين هنا علشان تبقي لوحدك ولا علشان تغيري جو، يلا قومي ألبسي وتعالي نخرج شوية.

هزت جنة رأسها وقالت:
– بجد يا ماما ماليش مزاج أخرج أنا حابة أقعد كده وأتفرج على المية.

فجأتها سهر وقالت:
– بتحبيه يا جنة.

حدقت جنة بوجه والدتها بصدمة وقالت بتلعثم:
– بـ ـحـ ـب مـ ـيـ ـن يـ ـا مـ ـا مـ ـا؟

ضمتها سهر إلى صدرها وقالت:
– اللي شاغل تفكيرك وبتهربي منه لما بتشوفيه قصادك، أنا مش قلتهالك قبل كده لو خبيتي على الدنيا بحالها أنا مش هتعرفي تخبي عني لأنك مني يا جنة.

بكت جنة وقالت بحزن:
– وأيه الفايدة يا ماما حب محكوم عليه بالإعدام من قبل ما يبدأ لأنه مستحيل، أنا مش عارفة ليه بختار دايمًا غلط فيها أيه لما أحب حد ويكون واضح معايا ليه أتعذب فحبي يا أمي بالشكل دا، أنا تعبت بجد ياريتني ما عرفت الحب دا لا مع ياسين ولا معاه ولا مع أي حد خالص.

ربتت سهر على رأس ابنتها وقالت:
– اسمعيني كويس يا جنة في ناس بيبقى نصيبها فالدنيا تقاسي دا قدر ومكتوب، ومهما حاولنا نهرب منه لازم نعيشه الحاجة الوحيدة اللي بتهون قسوة الدنيا أنك ترضي بيها وتقبليها، هتلاقيها بتعدي وواحدة واحدة بتتنسي وفالأخر تلاقي القسوة دي اتحولت حنية تعوضك كل اللي فات، مش مهم أنك تعاني قد ما مهم تتعلمي من المعاناة دي وتقوي نفسك بيها وتتخطيها وتكملي حياتك، إنما لو فضلتي تعيطي على اللي راح عمرك ما هتقدري قيمة اللي جاي فهماني يا جنة.

ابعدت جنة رأسها عن صدر والدتها وقالت وهي تزيل عنها دموعها وتتنفس ببطء:
– أنا بحبك أوي يا ماما أنتِ أعظم أم فالدنيا كلها.