قصة جديدة لمريم
انت اقنعتني ان ابنك نسي ريناد
ووعدتني ان بنتك هتبق ف عينك قبل عين مراد
بس انا مشوفتش حاجة غير وجع بنتي
ابنك مصانش بنتي ي عماد
ابنك لسة بيحب ريناد
ونا مستحيل ارضى على بنتي إنها تبق مجرد سد خانه
هطلقها منه
وهو يرجع ل ريناد لو عايز ”
” مين قالك إنه لسة بيحبها
صدقني نسيها
وعلى يدي ”
طبطب رؤوف على رجل عماد
” الظاهر لسة متعرفش ابنك كويس
انا بحاول أطلقهم ونا محافظ على علاقتنا ي عماد
الي ابنك عمله دا كفيل يخليني ابعد انا وبنتي عنكم
بس صدقني
انت صحبي
والي بينا عشرة
مش حكاية يومين
أتمنى تتفهم وضعي
نور بنتي لما وافقت
وافقت بناءا على قراري
محبتش تزعلني
والمقابل اتجرحت
هي الي جت طلبت الطلاق
ف مش هرفضه
كفاية انها عايشة ٦ شهور حاسة انها مفروضة على انسان عمره م فكر فيها
ف حين ان احنا فاكرين انهم عايشين ف تبات ونبات”
عماد مكانش عارف يعمل اي
كان حاسس نفسه صغير اوي
ابنه صغره اوي
” انا آسف ي رؤوف
والله معارف اقولك اي
بس إبني صغرني اوي
ابني خلى قيمتي تتساوي بتراب الارض
حقك عليا”
” انت قيمتك عالية ي عماد
وهتفضل عالية
مش موقف زي دا هيهزها
ويريت متغصبش ابنك بعد كدا
لو بيحب ريناد بجد
ف متوقفش ف طريهم”
“مهي لو حلوة ي رؤوف والله مكنت هرفض
بس ريناد دي مش مناسبة لينا نهائي
لا هي ولا اخلاقها انا حمدت ربنا انهم اتطلقو”
” يمكن لو ادتهم فرصة هتتغير
متحسبش الامور من منظورك
سيب مراد يختار
ف الحالتين
هو الي هيشيل مسئوليه اختياره”
قام وقف
” هتكل ع الله انا
يريت تبلغ مراد
بكرا ان شاءالله هنعدي عليك انا ونور والمأذون ”
بصله عماد بنظرة ترجي يمكن يرجع ف قراره
” عماد انا آسف
المرة الي فاتت مشيت ورا اهوائي
بس المرادي همشي ورا راحة بنتي
عن اذنك”
مشي رؤوف وساب عماد ف حيرة من امره
معقول كان على وشك إنه يخسر صاحب ثمين بالنسبة ليه عشان طيش ابنه
اخر اليل رجع مراد من الشركة
دخل لقى النور مطفي
لما فتحه كان ابوه قاعد مستنيه ع الانتريه
واضح عليه الغضب والحيرة
قرب منه مراد
” خير ي بابا
قاعد ف العتمة لي”
بص للساعة وكمل
“منمتش لي الساعة ١”
“تعالى ي مراد
تعالى أقعد جمبي”
قلق مراد من طريقة والده
قعد جمبه
“خير
قلقتني”
“بقا في واحد هيطلق بكرا
وحاله يبق كدا”
