قصة جديدة لمريم
مراد مستوعبش معني كلامه
“هيطلق بكرا
مين”
“مين مراته غضبانة
انا ول انت”
” انا
بس لي هطلق
هي ذروة غضب واكيد هترجع بيتها”
بصله ب استهزاء
” يريت الحياة سهلة كدا يخويا
ابوها جه انهاردة
وكان غضبان منك
وقرر انكو هتطلقو بكرا”
قام مراد بغضب
” هو ازاي يقرر قرار زي دا من غير م يرجعلي
هو انا قرطاس لب”
وقف عماد
“أتكلم ب أدب
ثم ان انا لو مكانه مش بس كنت هطلق بنتي منك
انا كنت هحبسك”
قال ب انفعال
“دا كله عشان بس خدت ريناد معايا السفرية
منا فهمتها انه كله كان للشغل
ومكناش لوحدنا”
“انت لسة بتحب ريناد ي مراد؟”
غمض عنيه بتعب
“لا ي بابا
اعتقد سألتني السؤال دا ميت مرة
مستني مني اقلك اه بحبها؟! ”
” انا مش مستني منك
لأنك بتحبها بجد
إوعى تلف وتدور عليا انا
انا عارف من زمان انك لسة بتحبها
من اول مرة سألتك فيها بعد م سبتو بعض
الكلام مش بيعرف يخبي المشاعر ي أستاذ مراد
طلما بتحبها لي لما سألتك يوم كتب الكتاب قلتلي إنك مش بتحبها
لي كذبت عليا وعذبت نور معاك
تقدر تجاوبني”
قال وهو ماشي
” قلتلك مش بحبها”
زعق والده
” اقف هنا مش بكلمك ”
لفله مراد بتعب
“كنت بحبها
بس الوقت
انا قدرت اتعافى منها
اه لسة ذكراياتها معلقة ف بالي
بس انا مبقتش ملهوف عليها زي الاول
مبقتش حاسس ب انجذاب ليها زي زمان
مشاعري اتغيرت ي بابا من ناحيتها صدقني”
قرب منه والده ب هدوء
” طب لي مبعدتهاش عنك ف الشغل”
” عشان هي الي فاهمة سيستم شغلي”
” العبها ع غيري
الحجة دي قدمت يخويا”
” ي بابا.. ”
قاطعه
” مفيش بابا
انت بكرا هتطلقها
ورجلك فوق رقبتك
وبعدها
يبق أشوف انا حوار ست ريناد دا كويس
أتفضل اطلع اوضتك ”
طلع مراد وهو فيه ضيق العالم كله
اول م دخل الاوضة قلع الجاكيت والجرافتة ورماهم بعزم ع الارض
قال بزعيق
” مش بحبها
مش بحبهااا لي محدش قادر يفهم
لي محدش عاوز يفهم”
قعد ع الكنبة وكان بيتنفس بسرعة كبيرة م الغضب
دخل خد دش عشان يهدى
ولما طلع وفتح الدولاب عشان يلبس
لاحظ انسيال واقع وجمبه ورقة
مكتوب فيها
“الهدية الوحيدة الي جبتها من ساعة م اتجوزنا
رغم اني جالي هدايا اشكال والوان
بس دي كانت مميزة فيهم كلهم
كان عندي إستعداد اديك فرص كتيرة جدا
لو كان المقابل انك تحبني
او ع الاقل تتقبلني ف حياتك
