يونس وقدر
-مشكلتك يا يونس أنك عايز كل حاجة، مشكلتك أنك بتحاول بتمثل الغيرة زى أى راجل لكنك فى الواقع ولا غيران ولا غيره، أو على الأقل أنا وأنت عارفين كويس أنك مبتحبنيش وأن كل العصبية اللى أنت فيها دى مجرد تمثيل بتضحك علي نفسك بها عشان تصدق أنك راجل فى بيتك وعلى مراتك وبس وفى الواقع أنت مش راجل أو على الأقل فى نظرى أنا…..
شعر بقنبلة نارية تنفجر فى صدره وعقد حاجبيه بغضب شديد يجتاحه بسبب كلماتها المُهينة لها فرفع يده لكي يلطمها على وجهها لكنه توقف رافعًا يده للأعلي بضيق شديد وكأن قلبه لا يطاوعه في صفعها، ظل ينظر إلي عينيها وهى أمامه لا تخشاه ولم يرمش لها جفنًا، استوقفه صوت اخاه الأكبر قادمًا من الخلف يقول بحزم شديد:- -يــونـــس رمقته “قدر” بضيق شديد من فعلته ثم مرت من أمامه مُنصرفة، التف لأخاه يقول:- -مش تخبط قبل ما تدخل
اقترب “أنس” منه بضيق شديد وقال:- -ويا تري كنت ناوي تضـ,ـرب مراتك عشان خاطر عشقيتك، أنت أيه اللى جرالك يا يونس من يوم ما غزل ظهرت فى حياتك وأنت حالك أتشقلب تأفف “يونس” بضيق شديد وأرخي رابطة عنقه بأختناق ثم قال:- -غزل مالهاش علاقة بالأمر، أنا بتكلم عن لبسها الضيقة ليه كل حاجة تدخلوا غزل فى الموضوع وهي أطيب مما تتخليوا تبسم “أنس” بسخرية ووضع يديه الاثنين فى جيوب بنطلونه ثم قال بتهكم:-
-والله، حرام ظلمناها معاك، عارف يا يونس مشكلتك ايه؟ مشكلتك أنك عايز قدر ورافض تبعدها عنك وفى نفس الوقت بتحب غزل ومتقدرش تسيبها عشان خاطر مراتك اللى هى أصلا لسه عروسة جديدة بس واضح أنك مش واخد بالك أنك متجوز من أسبوعين اتنين وبتخون مراتك عادي بكل بجاحة، عجباك شخصية قدر القوية اللى بتتحداك وواقفة قصادك ومش قادر تستغني عن شخصية غزل البريئة الضعيفة، مشكلتك أنك عايز كل حاجة وفاكر أن فى حد بيأخد كل حاجة بس نصيحة منى متتغرش لأن بطريقنك دى أنت. الوحيد اللى هتخسر
تبسم “يونس” بغرور شديد والتف لكي يجلس على المقعد ووضع قدم على الأخر دون ان يهتم لوجود اخاه الأكبر ثم قال بكبرياء:- -أنت بس عشان متعرفتش على غزل ولا شوفت جمالها وأزاى بتسحرك بطريقتها وروحها الحلوة، ومدخلتش شجار ونقاش مع قدر عشان تعشق جرائتها وعنادها، ولا بصت فى عيناها الخضراء دول سحر لوحدهم، وزى ما أنت قولت أنا مقدرش أبعد عن واحدة فيهم وأنا ضعيف من غير قوة قدر ويتيم من غير حنية غزل وقلبها الطيبة، أنا جزء منى لقدر والجزء الثاني لغزل، أنا عاشق لقدر ومسحور بغزل…
