قصة كاملة
ردت سلسبيل: تصدقى معرفش سبب ده وقتها، مع إنى كان عندى حوالى تمن سنين ومخدش بالى من قماح ده أصلا شكله أيه، بس كان عندى ست سنين ونص لما جدى توفى، كنت بسمعه دايما يقول لجدتى نفسه قماح يرجع لهنا تاني، وأهو ياريته ما رجع، عامل نفسه زى الآله اليونانيه في الأفلام الأجنبيه اللى بنشوفها عندهم جنون العظمه وهو فيه منهم، ومفكر عنده ذكاء حاد وهو كل اللى عنده شوية حظ في التجاره وفاشل في الجواز أتجوز إتنين مفيش فيهم واحده إستحملت طبايعه المتغطرسه والله ربنا دعا لهم بالخير ببعدهم عنه، أنا الحمدلله دايما بتجنبه حتى الكلام عالقد مش أكتر.
ضحكت همس قائله: إحنا هنتكلم عن قماح قومى يلا ألبسى هدوم تانيه غير بيجامة ميكى دى، على ما أروح أغلس على هدى كمان أصحيها ننزل قبل ما السما تبطل مطر.
تبسمت سلسبيل وبالفعل نهضت وإرتدت إحدى الإسدالات فوق منامتها ولفت حجاب عشوائى على رأسها فقد يدفئ عنقها، حتى إنها لم تقوم بستر شعرها الطويل المنسدل جزء كبير منه على ظهرهامن أسفل الطرحه.
بالفعل بعد دقائق.
نزلن الثلاث فتيات الى تلك الحديقه المحاوطه بذالك المنزل الكبير، توقفت همس أسفل الأمطار تفتح ذراعيها وتستمتع برذاذ الأمطار فوق وجها، بينما كانتا كل من سلسبيل وهدى تختبئن من الأمطار أسفل إحدى شرفات المنزل، نظرت لهن همس قائله: هتفضلوا واقفين عندكم كده كتير المطره ممكن توقف في أى وقت.
تبسمت هدى وقالت: أنا بصورك يا همس بالفون، فيديو علشان أبقى أفرجه لماما بعد شويه، عشان تزعقلك، وده يبقى إنتقامى قصاد إزعاجك ليا وإنك صحتينى من النوم وأنا نايمه الفجر أصلا.
غمزت همس بعينيها وقالت: وأيه اللى مطير النوم من عينك للفجر، يا قطه، سهرانه بتفكرى في مين إعترفى.
تبسمت هدى وقالت: بفكر في دراستى، عندى بحث عن التكنولوجيا ولازم أسلمه بعد بكره، مش عارفه ليه دماغك دايما الناحيه التانيه.
تبسمت همس وقالت: لا ناحيه تانيه ولا تالته، أنا كمان ياأختى زيك مش بفكر غير في الدراسه، اللى خلصت فينا وإرتاحت هي سيلا
وسمعت إن في خطاب بيجوا لها، شكل بنات ناصر العراب هيبقوا إتنين قريب بيلا هتتجوز ومش هيبقى غير أنا وأنت.
لا تعرف سلسبيل لما فجأه مر أمام عينيها ظلا لرؤوس سوداء وعيون دامعه ودماء بريئه تسيل، إرتجف قلبها للحظات و أغمضت عيناها بقوه ثم فتحتها ووضعت يدها على قلبها ورسمت بسمه قائله: لأ إطمنى، أنا مش بفكر في الجواز دلوقتي أنا واخده راحه شويه بعد الدراسه بس كلمت بابا إنى أشتغل في الحسابات عندنا في أى شونه، غير كمان بفكر أعرض المنحوتات بتاعتى في معرض خاص.
