قتلنى ورحل ج٤
لتصرخ ..قاسم طلقني انت مچنون وانا متجوزه.
ليهتف ..اثبتي انه طلقك.. مش كانت كلمه عالتليفون اهي راحت لحالها. بس دلوقتي انت وسي فريد بتاعك ببلاغ صغير هتتحبسو وش وانا بعلاقاتي هخليكو تتعفنو فريد راجل كبير وعيان وهيتكل وانت هتشرفي في القناطر.
كانت مصعوقه لتهتف .. انت مش طبيعي.. انت مش انسان.. تاني هتعملوها تاني فيا هترموني في السچن.
ليضحك الجد ويقول.. لا ماهو فيه حل وتعقلي كده ولا حد هيخش سجون ولا حاجه.. انا غصبت الواد يطلقك ودا حرام اصلا وانت هترجعيله وتجوزيه رسمي.
لتفتح عينها بشده.. اتجوز قاسم ازاي وانا متجوزه انتو مجانين صح. وفريد هعمل فيه ايه..
ليهتف…. هيطلقك.. هخليه يطلقك ماهو اكيد مش هيرضالك تتحبسي وهو مش هيستحمل ليله في الحبس يبقي ايه يا قطه تختاري ايه.
حاولت ان تفلت منه لتقول.. هتتجوزني وتطلقني ازاي مين ماذون هيرضي انا ليا عده.
ليضحك الجد.. والنبي ايه .. طب يا بتاعه العده احنا عارفين قرار الجوازه وانه كتب كتاب صوري ومالمسكيش يبقي مالكيش عده احنا مش هبل ياختي احنا واصلين لقلب البيت وعايشين معاكو.
لتنصعق وتخاف بشده.. وقاسم..
ليهتف.. قاسم سايبلي كل حاجه بعد ماجحشتي قدامه ومش عارف ليكي سكه فساب جده اللي يخططله ماهو مش الحديدي اللي مايعرفش يجيب عيله زيك.. هتتجوزي قاسم وتجيبي عيال وعيال كتير وتعملي عيله وتحمدي ربنا عاللي هتبقي فيه بدل ماتتعفني في السچن انت وسي الحاج فريد وتنفضحو اخليكو جرسه علي كل لسان انك عايشه بالحرام مع راجل كبير مقابل الفلوس والشركات.. ايه رايك بقه..اعملهالك فديوهات ومش بعيد انزلك فيلم
جلست وقلبها ېنزف مصعوقه مدمره.. تاني يا قاسم تاني عشان كده قالي هجيبك واتجوزك وماتنطقيش عشان كده قالي خلاص انا حبت اخري تاني تاني يا قاسم ڠصب وټهديد مره تسيب ومره ترجع كلو ذل في ذل .. انتو ايه مش بني ادمين.. انتو شياطين.. انت جاحد ليه كده ذنبه ايه فريد تحبسه.
ليهتف….. وذنبه ايه قاسم عايزحاجه وماياخدهاش وتقعدي مع العجوز ده.. دا حتي قاسم واد مز وهيبسطك وهتعيشي في العز.
لتصرخ…… بس بس مش قادره اسمع ايه الۏساخه دي انتو ازاي كده يا كفره.. هتجوز تلات جوازات ياللي مابترحمش.
ليهتف…. شوفي يا حلوه.. كل
—
الجوازات هتتقطع حالا. انت بس تعالي وامضي عالجوازه الهباب دي وانا وكيل. قاسم اصله بصراحه مش فاضي للوش ده.. ها.. هتمضي ونخلص الموضوع والا تخرجي ونكلم الخلق والشرطه تيجي ترميكو في الزباله..
