العشق بطريقه الشيطان ج٢
كان يجلس في وقت البريك .. الفسحة .. علي أحد المقاعد بجوار ياسر يتناولون بعض الوجبات الخفيفة ويتحدثون في حوارات عادية قبل أن يقول فارس فجأة:-
_هي البنت دي اسمها أية
وأشار لسما التي كانت تمر من أمامه لكن علي بُعد بعض الامتار
نظر ياسر حيثما ينظر فارس قبل أن يقول:-
_دي سما واحدة كانت عايشه في السعودية باين
فارس:-
_اها قولتلي
ياسر بفضول:-
_بتسال ليه
فارس:-
_عادي يعني مفيش حاجة
ياسر:-
_هي بنقضي الاجازة هناك لكن طول السنة هنا ومعروفة اوي هنا علشان دايما بتطلع الاول ومتفوقة جدا
فارس:-
_ولو… انا اشطر منها
ياسر ضاحكا:-
_مغرور يافارس باشا
نظر له بمرح وضحك وقبل أن يتحدث
سمع الجرس معلنا عن انتهاء وقت الراحة
ليقف ومعه ياسر ويتجها الي المبني ولكن سرعان ما تحدثوا في موضوع اخر وفي لحظة واحدة اصطدمت به بالخطأ من الخلف
ليلتفت هو مستعدا لان يلقن ذلك الاحمق درسا قبل أن يتفاجئ بعيونها البريئة الخائفة وشفتيها المرتجفة التي قالت:-
_اسفة والله اسفة مأخدتش بالي
أما بـ حسنا دون حديث وبسمة خفيفة علي وجهه وهو يراها تمر من جانبه بخطوات متعثرة قبل أن يضع يده خلف رأسه ويحرك خصلاته لثواني ويكمل طريقه نحو المبني حيث الفصل الدراسي الخاص به
••••••••••••••••••••••••••••••••
هتف اللواء محمود السوار:-
_حاليا لازم نفكر بعقل اكتر ولازم نستعين بجاهات عليا اكتر من كدا لان احنا حاليا بين نارين
هتف أحد الأشخاص الأقل منه مكانه:-
_العميل خاين أو مش خاين احنا ميهمناش… احنا عايزين بس المعلومات
محمود السوار:-
_خاين… يبقي الجحيم منتظرنا ويبقي خسرنا اهم واحد في المقر هنا لو مش خاين يبقي هنقول اهلا بجحيم من نوع تاني هيديره الشيطان بتفكيره الخاص
هتف اخر:-
_طيب نفكر ازاي او المفروض نعمل ايه
محمود السوار:-
_في اقرب وقت هقولكم بالخطة وخطواتنا الجايه ازاي…انا بس منتظر رسالة هتعرفني حاجات كتيير اووي مكنتش عارفها أو هعرفها إلا بسبب الشخص دا
هتف الجميع بصوت واحد:-
_مين هو
محمود السوار ببسمة:-
_مجهول بيحركه مجهول تاني
••••••••••••••••••••••••••••••••••
….
••الفصــــل الثــامــن عشـــر•• (الجزء الاول)
ذهب قرص الشمس الوهاج بضوءه الساطع تاركا قمر اخر ينير ظلمات الليل كان الهدوء يسيطر علي قصر الشيطان وهو كان مازال يجلس في غرفة المكتب قبل أن يسمع طرقة خفيفة علي الباب وقبل أن يسمح للطارق بالدخول دخلت هي بخطوات هادئة قوية كعادتها وكأنها صمتت أمامه لأيام ورجعت لاصلها القوي فليس هي من تقع أو تبكي بسبب رجل مهما كان مين…
رفع نظره ولمحها تتقدم نحوه حتي وقفت أمامه ليقول هو:-
_مساء الخير
ردت بهدوء:-
_مساء النور…بلال ممكن نتكلم شوية مع بعض
اشار لها بالاقتراب منه لتضيق حاجبيها معا بتعجب لكن تقدمت منه بقله حيلة وعدم فهم حتي وقفت مجاوره له
ولكن بحركه سريعة منه جذبها إليه واجلسها علي قدميه
انتفضت من ذلك القرب وحاولت النهوض ليحكم قبضته حولها ويقترب من اذنها هامسا:-
_مش هتقومي من هنا لحد ما انا اسمح بكدا…فأهدي وقولي عايزه اية
توقفت حركاتها بعد كلماته تلك التي كانت كأمر لها وليس مجرد حديث
ثم التفتت براسها له لتقول:-
_انا عايزه اعرف انت عايزنا نكمل جوازنا كأي اتنين طبيعيين ولا هتخليني معاك لحد ما تزهق وتسيبني ولا اية بالظبط
كانت يده تحركت الي رقبتها يحركها عليها برفق وبهدوء اتعبها صعودا لخصلاتها الحريرة واليد الاخر تحكم امسكها من خصرها
بعدما سمع كلماتها اقترب من اذنها هامسا:-
_وانتي عايزه تعرفي ليه
فريدة بتحدي:-
_علشان افهم حياتي هتمشي ازاي مش ابقي زي اللعبة حضرتك بتحركها بمزاجك
تحرك جانب شفتيه مظهرا شبح ابتسامة
وهو يقول:-
_جوازنا هيكمل زي جواز اي حد بس بقواعد مختلفة
فريدة:-
_اية هي القواعد دي بقي
بلال:-
_مفيش خروج نهائي من البيت يافريدة حتي لو البيت دا بيتحرق انتي فاهمة
مفيش شغل نهائي
متدخليش في خصوصياتي ابدا بمعني متسأليش علي اي حاجة
انا حياتي هتكمل زي الاول بالظبط واكيد سمعتي عنها
هنا مسموح تقابلي اهلك وبس واللي هما والدك ، والدتك ، اخوكي.. وبس
