العشق بطريقه الشيطان ج٢
اخيرا لمحته وهو يترك سيارته عند احد الجوانب ويقترب منها بخطوات مهتزة لم يكون كعادته امير بقمته الطويلة أو وسامته التي تسحرها بتلك العيون الكاحلة التي تسحرها عيون مشابهة تماما لعيون شقيقته التوأم
التي كانت تهيم بها احيانا وهم جالسون لأنها تراه هو مكانها
اقترب منها حتي وقف امامها وظل صامت للحظات كأنه يسارع الاضطرابات التي توجد داخله يسارعها وكأنه في سباق سينهي حياته ويوقف قلبه الذي آدمي من الحزن
لم تعرف ماذا تفعل وهي تراه هكذا
وهو لم يعرف ماذا يفعل لكي يرتاح
الآ أنه تحدث بعد ثواني عديدة:-
_ينفع اتكلم
هتفت بصوت هادئ مبتسم:-
_انا سمعاك
جلس علي الارضيه وكان قدمه لم تستطيع أن تحمله ووضع يديه علي رأسه وصمت وكأنه يحاول أن يوقف الذكريات تلك التي تهاجمه
حتي تحدث اخيرا:-
_اول يوم في الحضانة معتقدش حد فاكره لكن أنا فاكره كله ، لما كنا واقفين انا وأميرة وانتي ، وفجأة شفتها كانت جايه مع مامتها ولبسه فستان قصير لونه ابيض ، وسايبه شعرها ، وكانت عامله قصة توصل لبدايه عنيها ، كانت داخله وهي مش طايقه نفسها وعماله تتأفف بضيق شديد وفجأة جه طفل صغير من وراها ، ومسك شعرها كفضول علشان كان لونه حلو..حلو اوي وفجأة لقيتها بصتله بصه مفهمتهاش ، ودقيقة ولقيتها نايمة فوقيه وشغاله ضرب فيه ، ومحدش عارف يحوشها من عليه ،
دي كانت أول مشكلة بس مكنتش الأخيرة للأسف بقيت صحبتنا كنت ببقي فرحان وانا شايفها قاعده معانا ، وبتاكل ومش بتكلم اي اولاد غيري انا..انا وبس صدقيني مكنتش قارد اشوفك أو اشوف غيرك ياريما علشان انا اتسحرت بيها من اول مره كنت في حضانه واتسحرت بشعرها ، بقوتها ، بجمالها ، بتعاملها ، اتسحرت بكل حاجة وصلنا لثانوي ، ولو كنتي تلاحظي كنت دايما اتخانق علشانكم ، لكن يوم ما اتخانق علشانها هي كنت لازم اوصل للمستشفي لاني كنت ببقي بضربهم بعدم وعي ، انا حبيتها ، وعشقتها ، وكل ما تمر ثانية حبي بيزيد ليها انا حاربت علشانها مين قالك محربتش ظهرت قدامها بكل الطرق وهي لو تفتكري كانت بتقول “شكل اخويا بيحب يابنات” كانت شيفاني اخ وبس ، كانت شيفاني صديق تسند عليه ، لكن عمرها ما شافتني زوج أو حبيب
اتفجات لا اقصد انصدمت لما عرفت أن انهاردة كتب كتابها ، وقتها صدقيني قلبي كان هيقف من الوجع انها تكون لغيري دا شئ متوقعتهوش ، دا انا كنت بفكر أظهر لها بطريقه تانيه ، اعترف علطول بحبي ، اخطفها ، كنت بفكر في كل حاجة لكن هنا ممكن نقول إن الغباء كان مسيطر عليا.. أو اتأخرت علشان اندم علي اللحظة دي طول عمري
