حمايا
أنا قلبي نزل في رجلي، ووشي جاب ألوان.. حمايا جوة الحمام، وحماتي واقفة في الصالة، لو حمايا خرج دلوقتي من الحمام والمادة المعالجة ريحتها طالعة أو لو حماتي سألته هو بيعمل إيه فوق وفي الوقت ده بالذات.. السر كله هيتكشف، والأزمة الصحية والنفسية اللي بنحاول نتفاداها بقالنا أسبوعين هتنفركش في ثانية قدام عينيا!
وقفت قدام حماتي مرعوبة، ومبقتش عارفة أقول إيه ولا أتصرف إزاي قبل ما باب الحمام يتفتح وحمايا يخرج منه!
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
وقف الدم في عروقي، وحسيت بركبي بتخبط في بعضها من كتر الرعب والارتباك. حماتي واقفة في نص الصالة ومسكة شنطة الخضار، وباب الحمام على بعد خطوات معدودة من المكان اللي هي واقفة فيه! السر اللي حلفني حمايا أحافظ عليه ونحميه بكل قوة، والراجل اللي طلع بيتحمل الألم والمناهدة كل يوم عشان يحافظ على مشاعر مراته وصحتها، كان على وشك إنه يتقفش في ثانية واحدة وتتخرب الدنيا فوق دماغي ودماغهم.
مقالات ذات صلة
حكايات زهره الربيع 3
منذ 4 ساعات
حكايات زهره الربيع 1
منذ 4 ساعات
حكايات امانى السيد
منذ 6 ساعات
تحت الفراش حكايات اسما السيد 4
منذ 7 ساعات
في الأوقات دي، العقل بيشتغل في أجزاء من الثانية.. كنت عارفة إن حمايا جوة الحمام خلص تقريباً، وأي لحظة هيفتح الباب ويخرج، ولو خرج وشاف مراته قدامه، الصدمة هتبقى كفيلة بأنها تهد كل حاجة، غير إن ريحة الفلتر والمادة المعالجة اللي ركبها كانت بتتسرب ببطء تحت الباب، ورغم إنها مش قوية جداً برة الحمام، بس بالنسبة لست عندها حساسية حادة على الصدر زي حماتي، أي لحسة ريحة غريبة كفيلة تخليها تكح وتسأل وتتبصص في كل حاجة!
عملت أسرع حركة ممكنة عشان أشتت انتباهها وأبعدها عن منطقة الحمام تماماً.. أخدت خطوة سريعة لجامبها، وضغطت على إيدها بابتسامة متوترة جداً وقلت بصوت عالي شوية عشان أسمّع حمايا جوة الحمام فيأخد باله وما يخرجش: “يا حبيبتي يا ماما! ألف شكر على الخضار، تعبتِ نفسك ليه بس؟ تعالي تعالي ادخلي معايا المطبخ نحط الخضار في التلاجة ونشرب حاجة دافية سوا، الشقة منورة بيكِ والله!”
حماتي بصتلي باستغراب من اندفاعي وحماسي المبالغ فيه، وقالت وهي بتبص حواليها بفضول الستات الكبار: “الله يخليكي يا آلاء يا بنتي.. تسلمي، بس إيه الصوت اللي جوة ده؟ هو فيه حد عندك ولا إيه؟ السباكة شغالة ولا الصوت ده جاي منين؟”
