كبير البلد ج2

_تمام يا عتمان، بس متنساش انها بنت وانت راچل، وانت ما يرضيكش الكلام والحديت عليها لما يلجوها جاعدة وياك اكدة

اوما الرجل براسه ولكنه ما ان لاحظ التفاف سيده للذهاب حتى هدر دون وعي:

_يونس بيه

توقف يونس ينظر حهته بتساؤل ليجده يقول بحرج:

_انا عارف ان الموضوع ميخصنيش وانى وعدت الست روفان ما اجولش بس انا ميهونش عليا اشوفها اكدة واسكت

انقبض قلب يونس من حديثه وقد وعى وقتها ان ما سيعلمه لن يرضيه ابدا لذا اجابه بصوت قوى وخشن:

_جول اللى عندك وخلصني يا عتمان

ابتلع عتمان رمقه وتحرج مما سيقوله ولكنه مع ذلك لم يكن يريد الصمت خشية ان تقع هذه الصغيرة فى كارثة اخرى دون ان يدرى احد لذا اجابه بتوتر:

_صُهيب بيه بيتعرض للست روفان

وكإن احدهم القى قنبلة مدوية فى المكان ولكنها لم تنفجر سوى بقلبه هو لتحمر وقتها عينيه وتحتد نظراته لتضاهي بركة نارية وهو يهمس بخفوت مخيف:

_ايه!!

اومأ الرجل برأسه يجيبه بحرج:

_ده اللي حكيتهولى الست روفان، انه چالها مرة تانية النهاردة وجال بيطلب منيها انه يشترى الارض من اهلها وانها تجنعهم، ولو مرضيوش بالبيع هو ممكن يبدل معاهم الارض بواحدة تانية واكبر منيها المهم انه ياخد الارض دي لانها فى نص المصنع اللى عايز يبنيه بالظبط ومش هيعرف يعمله اكدة

هنا وصدح صوته كإنفجار بركاني هادرا بغضب:

_ان شاء الله عنه ما عمله احنا مالنا، ايه اللى يخليه يوجف بنت علشان الموضوع ده!! هو مفيش رچالة يكلمها علشان يوجف البنات يحاكيها؟!!

اجابه عتمان بهدوء:

_ده اللى الست روفان جالتهوله، جالتله انه مش من الاصول ان يوجف بنت علشان يحكي معاها فى حاچة زى دي، هي ليها اب وعم يحاكيهم وان كانو بعيد عنيه فهو يحاكي عمران بيه كبير البلد وكبيرهم، لكن هي ملهاش علاجة رغم انها عارفة ان اهلها مش هيوافجو؛ لان ولد الزهار مش بيبيعو انما بيشترو ومش بيبدلو ارضهم اللى ورثوها بكنوز الدنيا، فياريت يلتزم بحدود الصعايدة وملوش دخل بالحريم وكلامه يبجى مع الرچالة

التمعت عيني يونس بالسعادة وانتفخ صدره بالفخر وهو يستمع لكلمات الرجل امامه وكأنه راى نجاح ابنته امام عينيه ليسمع وقتها حديث عتمان الذى اطفأ سعادته وفجر الدم بعروقه:

_بس المشكلة مش اكدة يا بيه، المشكلة انها بتجول ان نظراته مكانتش مريحة ابدا، كان واجف ياكلها بعنيه، وبنظرات خلت چسمها كله يتنفض من الخوف.
وانت راچل وعارف هي تجصد ايه، ولما جولتلها تجول لاهلها البنت انكسرت وجالت انها مش كل شوية هتچيبلهم المشاكل وكإن مفيش فى الدنيا غيرها هي ومشاكلها مع الرچالة