حكاية زهرة ج٢
بقلم شيماء منير
مازن حضنها قلبي المؤدب اللي بتسمع الكلام وحشتني اصلا
جنا:شكلك هتمشي
مازن:اه بس اوعدك هاجي اقعد معاكي يوم كامل
جنا:بجد
مازن:اه بجد
__________________
مازن اخد عربيته ورجع على الفيلا
مكانش حد غريب موجود غير عمته وساره بنتها
كانوا قاعدين على الفطار
قعد معاهم وفطر وبعد كدا خرج على الجيم قاعد هناك ساعتين
ورجع تاني
الساعه ٦ اخد حسام ومريم عشان يوصلهم المطار
هيقضوا اسبوعين في مرسى علم
مازن وصلهم واتاكد انهم وركبوا الطياره ورجع على البيت
كلم زهره وجنا واطمن عليهم ونام
عدى اسبوع
عبير وساره رجعوا بيتهم في المنصوره
الصبح على الفطار
كان مازن وجيهان ومصطفى
مازن لاقها فرصه طالما محدش غريب موجود
مازن وحب يمهد للموضوع انا قررت اني اتجوز
وقتها جيهان ومصطفى بصوا لبعض
جيهان: يعني خلاص هتعرفنا على البنت اللي انت بتحبها
مازن:اممم ..بس قبل ما اعرفكم عليها لازم تعرفوا انها عندها ظروف معينه كدا
مصطفى:ظروف ازاي يعني مريضه مثلا او في مشكله في حاجه تانيه
مازن بتردد وجيهان ومصطفى بيبصوله بتركيز هي ارمله وعندها بنوته
جيهان وقامت وقفت نعم؟؟؟
الفصل السادس عشر
جيهان وقامت وقفت نعم؟؟ لا طبعا اصرف نظر عن الموضوع دا
مازن:ايه المشكله يعني ياماما عادي
جيهان بعصبيه:عادي ازاي ايه اللي يخليك تتجوز واحده متجوزه قبل كدا وياترى بفا عندها كام سنه قدي والا حاجه
مازن: وقام وقف:لا على فكره هي اصغر مني
جيهان بغضب :بردوه لا ومليون لا
مازن:بس انا عايزها وبحبها
جيهان بعصبيه بقا انت سبت بنات الدنيا دي كلها وروحت مسكت في واحده زي دي
ثم وجهت كلامها لمصطفى اللي قاعد بيبص عليهم بصمت مات تتكلم يامصطفى عجيك كلام ابنك
مصطفى بغضب مدفون وهدوء عكس مافي داخله وياترى اتجوزتها والا لسه هتتجوزها
مازن بتردد وعيون جيهان منعلقه بيه اه اتجوزتها
مصطفى وابتسم بسخريه
جيهان وكانت حاسه انها هتجنن انت اتجننت اتجوزتها كمان
ثم وجهت كلامها لمصطفى عرفت يامصطفى عرفت لما قولنلك خايفه واحده صا..يعه تصحك عليه قولنلي هو عيل صغير
مازن بضيق:لو سمحتي ياماما بلاش الطريقه دي وهي مش زي ما انتي متخيله و..
قاطعته جيهان وهي دموعها نازله اخرس مدافعش عنها اللي تروح تتجوز واحد من غير اهله ما يكونوا عارفين تبقا واحده مش كويسه
مصطفى:وياترى بقا متجوزاه في شقتها والا ايه؟؟
