حكاية زهرة ج٢
بقلم شيماء منير
حسام:اومال في ايه شكلكم مش عاجبني
حسام وقرب من جيهان في ايه ياماما مالك؟؟
جيهان وانفجرت في العياط
مربم وقربت منها بقلق في ايه خالتو مالك؟
مصطفى:ايه ياجيهان دا اللي اتفقنا عليه
حسام وقعد قدامها في ايه ياماما مالك؟؟
مصطفى:يابني خود مراتك واطلع ارتاحوا مينفعش كدا
حسام:بابا بعد اذنك فهمني في ايه انا كده هرتاح ازاي
مريم :احم ..طيب انا هطلع انا ياحسام
حسام:ماشي يامريم اطلعي وانا شويه وهصحلك
مريم :ماشي عن اذنكم
مريم وطلعت فوق
جيهان ببكاء ومسكت ايد حسام الحق اخوك ياحسام اخوك بيضيع نفسه
مصطفى :مش كدا ياجيهان تعالى ياحسام تعالى بس اقعد وانا هفهمك
مصطفى وحكى لحسام كل اللي حصل
جيهان ودموعها نازله وبقاله اسبوع مباتش هنا مجاش اصل
حسام بحنو :طيب اهدى ياماما انا هشوف الموضوع دا
جيهان ببكاء ترجع اخوك وتخليه يطلقها ياحسام
حسام:حاضر اللي انتي عايزاه هعملهولك بس انت ممكن تبطلي عشان خاطري عيونك وارمه
مصطفى:دي بقالها اسبوع على الحال ده وتعبت من الكلام معها
حسام وهو يمسح دموعها خلاص بقا ياماما انا قولتلك انا هحل الموضوع
________________________
تاني يوم
عند مازن
كان نايم صحى على صوت الموبيل مسك الموبيل وبص فيه كان حسام اخوه بص في الساعه اللي في ايده كانت ٩ ص
بص جمبه كانت زهره كمان نايمه
مازن واخد الموبيل وخرج من الاوضه
مازن بصوت متشحرج من اثر النوم الو
حسام:صوتك نايم
مازن:احم ..ازيك ياحسام رجعت؟؟
حسام؛لسه فاكر .تسأل ..انت فين؟؟
مازن :انا في شقتي
حسام:امممم ..سايب البيت ليه؟
مازن:اكيد عرفت يعني
حسام:تمام بس احب اسمع منك بردوه
مازن:تمام ..نتقابل في اي مكان انا وانت
حسام:ليه هو بيتنا اتحرم عليك مثلا مش ناوي تيجي
مازن:مش كدا..بس نتكلم انا وانت الاول لوحدنا
حسام:ليه هو انت فاكر لو في حاجه مش عجباني انت هتقدر تغير راي
مازن بضيق خفيف اسمع ياحسام انا لو هتكلم معاك في حاجه في دا عشان انت اخويا الكبير واحترام ليك لكن مش عشان اقنعك بحاجه انا مش عيل صغير وعارف انا بعمل ايه
حسام:ماشي ياكبير ياعاقل ياللي روحت كتبت كتابك واتجوزت وابوك واخوك الكبير ميعرفوش..نتقابل فين؟؟
مازن تنهدت بضيق لانه فهم هو بيلمح ل ايه:نتقابل الساعه ٥ في …
حسام :تمام
وفعلا الساعه ٥ اتقابلوا
حسام سلم على مازن وحضنه
مازن هو كمان بادله الحضن
قعدوا وطلبوا قهوه وبعدها مازن حكاله من يوم ماتعرف على زهره
