حكاية زهرة ج٢

زهره بخوف:اصل الموضوع مش كدا

مازن وخبط جمبها بغيظ على السرير اممم قولي

زهره وابتلعت ريقها: اصل هو كان بيحب اشرف اووي وكان بيكتب حاجات كتير باسمه عشان الضرايب كان عنده ثقه كبير فيه وعارف انه مش هياخد حق مش من حقه بس اشرف مكانش بيحب القاعده هناك وكان بيحب هنا ولما مات عرضوا عليا اني اروح وبعدها موضوع عمار دا وانا رفضت مع اني والله قولتلهم انا مش عايزه حاجه ولا ليا ولا لبنتي بس يسبوني في حالي

مازن:ولما هو رجل غني كدا ومعه فلوس ليه سايب ابنه يفتري علي النسو..ان وياخد فلوس منه

زهره:لانه بيضيع فلوسه كلها في الهواء وهو مانع انه يمسكه حاجه في ايده وعشان كدا هو عايز جنا ياخد من وراها فلوس

مازن :والواد دا ساكن فين؟؟

زهره بقلق وفهمت اللي في دماغ مازن:ليه؟؟؟

مازن:انتي متسأليش انتي تردي وبس

زهره:معرفش هو ساكن فين
مازن بصلها بتمعن

زهره :اقسم بالله ما اعرف

مازن:تمام

زهره:مازن انت بتفكر في ايه..عشان خاطري بلاش اللي بتفكر فيه

مازن:انت تخرسي خالص ولسه متحاسبناش انك تعملي كل دا من غير ما اعرف ولا كأني موجود ولا كأن ليكي راجل يعرف يدافع عنك

زهره بصتله بصمت وسكتت

_____________________

تاني يوم في فيلا المنشاوي

الجميع على سفرة الفطار

مصطفى:قابلت اخوك؟؟

حسام:اه قابلته امبارح واتكلمت معه

مصطفى: ووصلت ل ايه معه

حسام وهو بيوزع نظراته بينه وبين جيهان هو عايزاها ومش ناوي يطلقها

جيهان:وياترى بقا شوفتها عندها كام سنه؟؟

حسام:انا مشوفتهاش بس من كلامه قاله عندها ٢٣ سنه وبنتها٥سنين

مصطفى:وعرفها منين

حسام وحكى لهم اللي مازن قال له

جيهان:هي مستغلياه يصرف عليها وعلى بنتها

حسام:ماما مازن شكله بيحبها

جيهان بدموع حبه بورص. ..ملاقش غير دي لا ليها اصل ولا فصل
مصطفى وهو بيوص لمريم جيهان الكلام دا ملوش لازمه

حسام :ياماما اهدي الامور متنحلش كدا

جيهان بدموع انا عايزه اخوك ارملها شوية فلوس وخليها تبعد عنه

حسام :مينفعش ياماما الكلام دا لو لسه في الاول لكن دي دلوقتي مرات اخويا ولو عملت التصرف دا يبقا بهين نفسي وبهين اخويا

مصطفى:حسام كلامه صح

جيهان وقامت من على السفره وهي بتبكي

الكل بص لبعض بصمت
حتى مريم اللي كانت بتسمع للكلام من غير ما تدخل

_________________________

زهره صحيت الصبح ملقتش مازن توقعت انه خرج