حكاية زهرة ج٢

زهره ونيمت جنا

كان مازن طلع من الحمام ولبس

كان شكله هيخرج تاني

زهره وقربت منه وهو بيتجاهلها كالعاده

زهره بوجع مكبوت:على فكره لو مضايق مني انا وبنتي ممكن اخدها وامشي وتيجي تقعد في شقتك براحتك بدل ما انت بتبات في الصاله

مازن بعصبيه:مشكلتك انك دايما مش مقدراه قيمتي في حياتك انا جوزك ياهانم عايز افهم بقا تاخدي بنتك وتمشي ازاي؟؟

زهره بدموع ماهو انت مش طاقينا حتى جنا لاحظت دا

مازن:انتي بجد مش مقدره قيمة اللي انتي عملتيه بس متقلقيش انا ادتله درس امبارح هعيش عليه العمر كله

زهره: يعني انت اتخانقت مع عمار

مازن:انا متخانقتش معه انا كنت بربيه اللي ابوه جمال الراوي معرفش يعمله مش اسمه جمال بردوه؟؟؟

زهره:جيه خبط كتير ومردتش عليه

مازن:عارف شوفته في الكاميرا كان جاي لقدره الاسوو.د

زهره وقربت منه مازن عشان خاطري متعاقبنيش باللي بتعمله دا انا مقدرش على زعلك وانت عارف

مازن بصلها بصمت

زهره بدموع ووقفت قصاده انت عارف اني مقدرش على بعدك متهجرنيش كدا

مازن وحس انها صعبت عليه فتح ايده ليها

زهره وجريت عليه
مازن اخدها في حضن
زهره وهي في حضنه اوعدك مش هخبي عليك اي حاجه تاني

مازن وطلعها من حضنه ووضع قبله صغيره على شفاتيها…..

____________________

بعد يومين في فيلا المنشاوي

على الغداء
الكل كان متجمع على السفره

جيهان بصوت مخنوق انا موافقه ان هو يجي هو ومراته

الكل بصلها بدهشه

مصطفى:تمام ..نكلمه

جيهان:بس ليا شرط

مصطفى:شرط ايه؟؟

جيهان:تقعد في المضيفه هي وبنتها متدخلش هنا الفيلا

حسام:مينفعش ياماما ..يعني احنا كدا بنهنها واهانتها من إهانة اخويا وانا اللي مقبلوش على نفسي ومراتي. مقبلوش على اخويا ومراته

جيهان:ليه هي عمرها هتبقا زي غلاوة مريم لا طبعا

حسام:هي ممكن متكونش نفس الغلاوه بس هي نفس المكانه دي مرات ابنك ودي مرات ابنك وياستي بدلو عل. الغلاوه بكره تبقا اغلى مننا دي كفايه انها مرات مازن حبيب القلب

جيهان:ياسلام على اساس انك مش نفس الغلاوه

حسام وابتسم بقوه انا عارف ياماما انا بنكشك بس وبهزر عشان تفكي شويه

جيهان:انا مش عايزاها تدخل هنا مش متقبله دا انا بعمل كل دا عشان ابني يرجع

حسام:على فكره اما تعيش معانا هنا هنعرفها كويس ولو اتثبت انها انسانه مش كويسه دا مازن اول واحد هيعرفه ولو العكس يبقى احنا كسبنا انسانه كويسه