حكاية زهرة ج٣
بقلم شيماء منير
زهره ببكاء مش عارفه
هاله:احكلي بالظبط ايه اللي حصل
زهره وحكت لها كل اللي مازن قاله وسمعته
هاله:دا ترتيب بقا دي مدبره كمان
زهره ببكاء:انا مصدومه ومش عارفه ازاي دا كله حصل
هاله:كنت حاسه ان في حاجه غلط
زهره ببكاء ورعشه:هو مسمعنيش حتى اقوله اني مظلومه والله ما كلمت حد
هاله واخدتها في حضنها طيب اهدي
هاله وبتحسس عليها انتي سخونه مالك كدا شكلك هتتعبي انا هقوم اعملك عشان انتي وجنا وبعدها اجبلك برشام
زهره:لا انا مش هأكل حاجه هديلي بس برشام نفسي انام شويه
هاله وجبتلها برشام و اخذتها و غطتها ونامت
ـــــــــــــــــــ
في فيلا المنشاووي
الساعه٤ صباحا
مصطفى:لسه مرجعش
جيهان بقلق:لسه وقافل موبيله
سمعوا صوت عربيه
جيهان واتحركت اتجاه الشباك هو انا هخرج اطمن عليه
مصطفى:براحه ومتغطيش عليه في الكلام
جيهان:حاضر
جيهان وخرجت من الغرفه كان مازن طلع ورايح اتجاه غرفته
جيهان:ايه ياحبيبي قلقتني عليك اما قفلت موبيلك
مازن وفتح الباب وبص في الاوضه قلبه انقبض لما افتكر انها مش موجوده خلاص
مازن دخل
جيهان دخلت وراه
جيهان:ايه بس ياحبيبي ايه اللي حصل
مازن بصوت مخنوق عشان خاطري ياماما متفتحيش في حاجه انا مش قادر اتكلم
جيهان اول مره تشوف عيون ابنها مليانه دموع
جيهان وقربت منه واخدته في حضنها ولمست على شعره بحنان
مازن وحاول يكون جامد قدام امه
مازن وبعد عنها بهدوء معلش ياماما انا عايز ارتاح
جيهان :ماشي ياحبيبي تصبح على خير
جيهان وخرجت وراحت على غرفتها
مازن وقعد على السرير ومسح على شغره بتعب
عدى اسبوعين
مازن كان بيروح الجيم ويرجع متاخر نادر لما يكون موجود على الغداء
متكلمش مع اي حد في الموضوع ورافض نهائي الكلام فيه او حتى ان حد يدخل بينه وبين زهره لصلح او كده
زهره كانت لسه قاعده مع هاله في بيتها وبتحاول تتخطى كل حاجه
في بيت هاله
زهره:معلش يا هاله انا عارفه اني متقله عليكم
هاله بزعل:عيب عليكي يازهره احنا اخوات وبعدين انتي كتير وقفتي جمبي وبعدين متقله في ايه اهو احنا بنشارك اللقمه مع بعض ولو على الاوض في كتير دا في كمان اوضه فاضيه
زهره:انا هنزل ادور على شغل من بكره
هاله:ليه محتاجه حاجه قولي يازهره
زهره:يابنتي لازم اشتغل انا مش هفضل قافله على نفسي كدا انا عايزه اخرج من دايرة التفكير اللي انا فيها دي لو فضلت كدا هتجنن
