حكاية زهرة ج٣
بقلم شيماء منير
مازن:متسغليش بالك
جيهان :ازاي مشغلش بالي ..انا مش عايزه اعرف ايه سبب المشكله ولاحتى زعلانين ليه لكن بجد كتير انكم اسبوع مش بتتكلموا
الباب خبط
والساعي
حط القهوه وألعصير وخرج
مازن وحط كوباية العصير قدام مامته طيب اشربي العصير
جيهان واخدت رشفه من العصير
جيهان:بوص يامازن انا مش هنكر اني كنت رافضه الجوازه دي في الاول بظروفها وكنت رافضه زهره نفسها ..بس الحقيقه البنت طلعت عكس ماكنت متخيله كشكل وكمضمون ومن ناحية الهدوء والادب مفيش غلطه دا مريم اللي احنا بنقول عليها هاديه جمبها شقيه
مازن ويخرج الدخان من فمه مش مختلف معاكي في دا
جيهان :يبقا كفايه خصام كدا ياحبيبي ..وبعدين بصراحه من ناحية النطافه نطيفه جدا في نفسها وفي اي مكان تقعد فيه ومهتميه بيك جدا وكل تفاصيلك ولبسك وكل حاجه بجد انا مش بعمل زيها كدا مع باباك يبقا حتي لو هي عملت غلطه مثلا ياسيدي سامحيها عشان اي حاجه من دي..وبعدين ايه حكايه خروجها غير معك دي بجد بقالكم ٩شهور في الفيلا مخرجتش غير معاك ليه مش تشترك ليها وللبنت في اي نادي نادي ويخرجوا ..انا بجد مستغربه حتي حاجتها تقريبا مش بتشريها غير معاك ودلوقت انتوا مش بتتكلموا وعمري ما شوفتها لها صحاب وطول الوقت قاعده لوحدها. ..وحاولت اتكلم معها وافهم بس متكلمتش وانا عارفه انها مش هتتكلم
ابتسم مازن بخفه
جيهان:طبعا واخده تحذيرات عشان كدا مطولتش معها وجاتلك
مازن:اولا هي لها اصحاب انا مش معنها عن حد ثانيا مش معني اني مش بسبها تخرج لوحدها اني مش بثق فيها لا طبعا انا عارف مراتي كويس وواثق فيها والا لو كدا مكنتش كتبتها على اسمي ودخلتها بيبتي
مازن وطفى السيجاره في مطفئه جمبه بوصي ياماما انا محبش مراتي تكلم اي راجل تقولي بقا غيره ..حب حب امتلاك زي ماتوصفيها اوصفيها انا مش بحب الجو دا..اللي هي عايزاه انا اجبهلولها لحد عندها اللي تشاور عليه بس هيكون عندها بعدها وهي فاهمه دا كويس وعارفاه ومعتقدتش انه عامل مشكله بنا وبالنسبه للخروح انا والله كنت بخرجهم على طول
وقبل مانيجي الفيلا وكنا بنخرج نشتري مع بعض كل حاجه بس هي جاءت لما جينا الفيلا صادفت اني مشغول هنا مش ان انا حابسهم
جيهان:تمام بس عشان خاطري انهلي موضوع الخصام دا انا اصلا مش بحب الطريقه دي عايزك تروح كدا تجبلها هديه حلوه وتتكلموا بقا
