حكاية زهرة ج٣
بقلم شيماء منير
زهره:بس انا مش قادره اسامح
جيهان:معلش تعالي على نفسك عشان ابنك
زهره:ليه وايه يعني اما يعيش معايا ولما يبقا عايز يشوفه يبقا يشوفه في ناس كتير منفصلين وولادهم بينهم
جيهان:وليه تحكمي عليه بكدا حرام عليكي بجد يعني انتي مجربتيش في جنا قد ايه اوقات بتعاني من عدم وجود والداها دا كمان ومازن يعني بيحاول يعوضها بجد انتي دماغك دي فين
زهره وربعت ايدها بردوه عند موقفي
جيهان وغمضت بتعب بس موقفك دا غلط وانتي عارفه كدا كويس بجد حرام تحرميه من عز ابوه وتعيشيه في مستوى اقل من المستوى اللي المفروض يعيش فيه
زهره وقامت وقفت انتي بتعايرني بمستويا
جيهان وقامت وقفت هي كمان:انتي عارفه ان دا مش طبعي ومش اسلوبي عموما انا كنت فاكره ان ممكن اقنعك انا همشي بس هقولك حاجه قبل ما امشي مازن اتحدنا كلنا عشانك وانا اول واحده انا بفكرك عشان لو الايام نسيتك ولحد النهارده لو قولنا بردوه ليه سابها هي حره تربي ابنها بالطريقه اللي تريحها
مش هكون احن عليه منها هيتحدنا بردوه ومش هيسيبك انتي بقا اما اتحطيتي مكانه متقدريش حتى تتحدي نفسك وتننازلي وترجعيله تصبحي على خير
جيهان سابت زهره وخرجت اللي فضلت تعيط
بعد شهرين ونصف
في فيلا المنشاووي
جيهان وقعدت جمب مازن:ايه ياحبيبي مش هتطلع تنام بقا الجو هنا برد
مازن:معلش ياماما مش عارف انام
جيهان:ليه بس ياحبيبي
مازن:قلقان خايف تولد في اي وقت
جيهان:ياحبيبي مش كدا بيبقا في طبعا مقدمات
مازن:بس دا انا لو جمبها
جيهان:نعمل ايه بقا في دماغها الناشفه
مازن:تولد بس وبعدين اللي هتصرف في الموضوع دا
في شقة هاله
زهره بوجع اه الحقيني ياهاله انا شكلي خلاص هولد
هاله وقامت بسرعه بجد طيب يلا نطلع على المستشفى
هاله وساعدت زهره انها تلبس وتنزل واخدت تاكسي من قدام العماره
وصلوا المستشفى
زهره ودخلت غرفة العمليات
هاله وخرجت موبيلها ورنت على مازن
مازن كان داخل غرفته
موبيله رن
بص في الموبيل كانت هاله
مازن وفتح الخط بسرعه
مازن:ايوه ياهاله
هاله:زهره دلوقت في المستشفى احنا لسه واصلين ودخلت اوضة العمليات
مازن:مسافة الطريق مستشفى ايه
مازن قفل كان هيمشي جيهان قابلته ايه ياحبيبي في ايه
مازن:زهره بتولد ياماما انا لازم امشي
جيهان :طيب ثواني بس هلبس واجي معاك
مازن:انا مش هستنا
جيهان:على ماتخرج العربيه هكون جهزت
