حكاية زهرة ج٣
بقلم شيماء منير
زهره ببكاء انا تعبانه ياهاله تعبانه اووي انا مبنامش والله انتي متخيله اصلا الوضع اللي انا فيه وانا في نظره خاينه
ثم اكملت وهي تبكي بدموع غزيره وانا بحبه انا بعده واجعني اوووي انا مش قادره اتخطى اي حاجه انا حاسه اني إله شغاله بس عشان بنتي واني لازم اعيش
هاله واخدتها في حضنها طيب اهدي ياحبيبتي ربنا مش بيرضى بالظلم واكيد كل حاجه هتبان
زهره وهي تبكي في حضن هاله والله انا عمري ما اذيت حد والله ولا حتى حيوان انا دايما بس بتأذي من اللي حواليا ليه حد يأذني بالشكل دا
هاله:طيب اهدي يازهره والله انا عارفه كل دا احنا بقالنا سنين مع بعض
ـــــــــــــــــــــــــــ
مازن طلع فوق
كان باب اوضة جنا مفتوح
مازن وقرب من الباب
كان واحده من الشغالين خارجه
مازن:بتعملي ايه هنا
الشغاله:كنت بنطف الاوضه يافندم مدام جيهان اللي طلبت مني كدا
مازن:تمام ايه الشنطه اللي معاكي دي
الشغاله:دي الحاجات اللي كانت موجوده في الاوضه
مازن:طيب هاتيها
مازن اخدها منها وبص فيها وكانت في شوية حاجات خاصه بجنا والعاب كمان
ابتسم بوجع واخدها ودخل اوضته
ـــــــــ$$$$$
في بيت هاله
هاله ودخلت على زهره الاوضه
هاله بصوت هادي :نامت؟؟
زهره وهي بتحضن جنا اه
هاله:طيب كويس …انا عملت لينا كوبيتين شاي تعالي نشربهم في البلكونه
زهره وقامت مع هاله
وقفوا في البلكونه
هاله:كويسه انك صالحتيها قبل ما تنام
زهره :انا عارفه انها مش فاهمه اللي انا فيه بس غصب عني لازم تتعود على عدم وجوده
هاله:واحده واحده هتتعود انه مش موجود
زهره واتنهدت بوجع انا حاسه اني في كابوس
هاله:هتعدي يازهره وان شاء الله هتبقا احلى
زهره بخنقه ودموع مكبوته ياارب
هاله:المهم هنودي جنا السنتر اللي جمبنا دا اللي في اول الشارع
زهره:رايك كدا؟؟
هاله:ايوه ..طالما هي في الاجازه نوديها تشغل وقتها بيقولك في كورس خط ورسم وحاجات كتير
زهره:طيب هنجيها ازاي واحنا في الشغل
هاله:سهله انا او انتي هنبادل سوا
زهره:تعباكي في كل حاجه معايا ياهاله
هاله:بطلي بقا هبل احنا اخوات ملناش غير بعض
ـــــــــــــــــــــــــــــــــــ
زهره تاني يوم صحيت على رقم بيرن
بصت شويه للرقم وبعد كدا ردت
زهره:الو
:ايوه عامله ايه؟؟
زهره:مين معايا
مروان:انا مروان
زهره :مروان مين؟؟
مروان:مش فاكرني صاحب مازن
