حكاية زهرة ج٣
بقلم شيماء منير
زهره بصتلها بتحذير
بس هاله عملت نفسها مش واخده بالها
مازن :انا لسه مقابل الدكتور وطمني عليكي وقال ساعاين بس هتكملي العلاج ونروح
زهره:نروح فين؟؟
مازن:على الفيلا
زهره:لا انا هروح عند هاله
مازن وبصلها بضيق وبص لهاله اللي كانت واقفه بحرج
هاله:طيب انا هخرج ارن على ماما وجنا اطمن عليهم عن اذنكم
هاله وخرجت
مازن:بيت هاله ايه اللي هتروحي عليه
زهره:زي ماسمعت
مازن هو انتي مش هتعقلي بقا؟؟
زهره بضيق:ليه شايفين مجنونه
مازن:اه يبقا جنان لما تبقى عايزه تروحي بيت الغرب واتا اما اعوز اشوف ابني اشوفه ازاي
زهره ببرود والله دا اللي عندي
جيهان بضيق من طريقة وكلام زهره اللي مش عجبنها انا هطلع ارن عليهم في البيت اطمنهم
مازن وهز رأسه بالايجاب
جيهان وخرجت وقفلت الباب وراها
مازن وشد كرسي وقعد قصاد زهره بوصي بقا انا بقالي كتير سايبك تدلعي براحتك وتعكي في الكلام وتقولي كلام ميتقالش لكن لحد هنا واستوب
زهره بدموع:انا مش عايزه اروح الفيلا المكان دا انا كرهته اتهنت فيه ومش حابه ادخله
مازن:تمام نرجع على الشقه بتاعتنا بلاش الفيلا
زهره وبصتله بصمت
مازن وكمل هكلم خليل يبعت مراته وبنته يجهزوها
زهره وهزت دماغها بالايجاب
الباب خبط
مازن:ادخل
جيهان:عاملين ايه
مازن:تمام
جيهان لزهره :انكل مصطفى بيسلم عليكي
زهره بخفوت الله يسلمه
جيهان :ها قررتوا ايه؟
مازن:نروح على شقتي اللي في….
جيهان:تمام زي ماتحبوا
مازن:معلش بس هتكلمي الفيلا يبعتوا اي شغاله تكون معانا هناك
جيهان:ماشي حاضر ياحبيبي
وبعدساعتين رجعوا على الشقه
جيهان راحت معاهم واطمنت عليهم
وبعد كدا رجعت على الفيلا
في غرفتها هي ومصطفى
مصطفى :يعني الولد كويس كدا
جيهان بفرحه ماشاء الله قمر يامصطفى بجد مكنتش عايزه اسيبه واجي
مصطفى:طيب ليه مفضلتش معاهم هناك
جيهان:انا قولت اسيبهم مع بعض شويه يمكن الامور تهدا شويه
مصطفى:ليه هي الامور مش هاديه لسه
جيهان:زهره العند ماسكها بشكل انت مش متخيله
مصطفى:وهي عامله ايه؟؟
جيهان:الحمدلله انا سيبها كويسه ماشاء الله
مصطفى:الحمدلله انها هي والولد كويسين
جيهان بفرح شبه مازن اووي وامور انا مرضتش تحت اتكلم قدام حسام ومريم عشان مشاعرهم بردوه ابنهم ميت قريب
مصطفى: ربنا يحفظه ويبارك فيه
ــــــــــــــــــــــــــــــــــــــ
في شقة مازن ليلا
