حكاية زهرة ج٣
بقلم شيماء منير
حسام:اي حد مكانه كان هيبقا كدا خصوصا لو بيحب مراته
ــــــــــــــــــــــــــ
عدى شهر
ولسه الوضع زي ماهو وزهره بتعاند ورافضه ترجع بردوه
في بيت هاله مساء
رن الجرس
هاله وفتحت:ايوه مين
جيهان:مساء الخير
هاله:مساء النور تحت امرك
جيهان:شكلك مش عارفني مش انتي هاله بردوه
هاله:ايوه معلش انا حاسه اني شوفت حضرتك بس مش فاكره فين
جيهان:انا طنط جيهان مامت مازن
هاله بابتسامه :ااه اهلا بحضرتك معلش ما اخدش بالي حضرتك كنتي هناك من غير حجاب
جيهان بابتسامه لا عادي ولا يهمك طيب انهي احلى
هاله بابتسامه كبيره حضرتك حلوه في كل حالاتك
جيهان :تسلمي ياحبيبتي
هاله بحرج اتفضلي معلش نسيت من الكلام
جيهان:لا عادي هي زهره موجوده الاول
هاله:ايوه موجوده اتفضلي
جيهان ودخلت وبصت للشقه كانت بسيطه بس منظمه
كان في ست كبيره قاعده
هاله:دي ماما عايده
ثم وجهت كلامها لجيهان دي طنط جيهان مامت مازن جوز زهره
عايده بترحاب اهلا بيكي
جيهان :حبيبتي تسلمي
هاله:ثواني هبلغ زهره
هاله ودخلت لزهره اللي اتفاجاءت بوجود جيهان
جنا اول ماسمعت اسم جيهان سابت الواجب وخرجت تسلم عليها
جيهان اخدتها بالحضن كانت فعلا واحشها
جيهان بحنو واحشتني ياقلبي
جنا:وانتي كمان ياتيتا احنا هنرجع معاكي
جيهان بابتسامه ياريت ياقلبي والله
زهره خرجت وكانت لابسه بيجامه بيتي بكم وكان حجاب على شعرها
جيهان بصت لها وهي جايه عليهم وكانت بطنها ظهرت
زهره:مساء الخير
جيهان :مساء النور
سلموا على بعض
هاله اخدت والدتها وجنا ودخلوا اوضه
جيهان:عامله ايه يازهره
زهره:الحمدلله كويسه
جيهان:والبيبي ؟؟
زهره:الحمدلله كويس
جيهان:كشفتي قريب؟؟
زهره:اممم من يومين
جيهان:وايه الاخبار
زهره:تمام
جيهان:طيب الحمدلله احنا عايزين كدا تكونوا كويسين
زهره وابتسمت بفتور
جيهان:ايه مش كفايه لاعب عيال كدا وترجعي بقا
زهره:من قال انه لعب عيال انا فعلا عايزه اطلق ومش عايزه ارجع
جيهان بعصبيه خفيفه ازاي يعني تبعدي الولد عن باباه ازاي مش كفايه انك حراماه من اجمل لحظات في حياة ابنه
زهره:دا اللي هو ازاي يعني؟؟
جيهان:اقل حاجه كان وانتي بتكشفي في كل مره يكون موجود معاكي ويشوف ابنه دي اقل حقوقه
زهره:اعتقد انتي شوفتيه عمل ايه وكان قدامك
جيهان :ايوه عمل وقلل من كرامتك واتعصب عليكي وقال كلام مينفعش يتقال وغلط وهو احنا غلطناه وهو اعترف بغلطه واتأسفلك وعايز يرضيكي باي طريقه يبقا خلاص دا ربنا بيسامح انتي متسمحيش
