يتيمة في قبضة صعيدي ج2
بقلم نرمين حمدي
ماهر بص في عنيها وبغزل: متقرفيني اية المشكله
رقيه: لا دا انت رايق اوي
ماهر: ولو مش رايق هروقلك
رقيه بتمسكه من هدومه: طيب بمناسبه بقي انك رايق ودا مبيحصلش كتير فاأنا كنت عايز اقولك علي حاجه
ماهر: قولي
رقيه بتوتر وهي عارفه ان الموضوع بيضايقه: لما كنت عند بابا روحت للدكتوره وطالبه منك تحاليل
ماهر بعد عنها وملامح وشه اتغيرت للڠضب: احنا قولنا ايه في الموضوع ده
رقيه: ياماهر وفيها ايه يعني؟ انا نفسي في طفل بقي
ماهر: وقولتلك الحاجه دي بإيد ربنا… لكن لو عرفنا هنستفيد ايه غير ان انا او انتي هنحس بنقص خلاص الي فيه الخير يقدمه ربنا
رقيه: المشكله لو عندي هيخلوك تتط.لقني… جليله مبترحمش في الحته دي
ماهر: لو الدنيا دي كلها قالتلي ط.لقها مش هيحصل
رقيه عيطت: بس انا نفسي في طفل منك.. ليه مستكترو عليا
ماهر شدها لحضــ,,ـنه: فاهم زعلك.. بس مش عايز نتيجه تحاليل تأثر علي علاقتنا
رقيه: والله مهتأثر
ماهر بص في عنيها الي مليانه دموع: اي الي يرضيكي يارقيه
رقيه: نروح للدكتور
ماهر: حاضر… لما افضي هبقي اروح
رقيه حضــ,,ـنته كأنها بتشكره
&&&&&&&&&
في بيت جلال الالفي
جلال: بتحطي راسنا في الكين يابنت ال*****عايزه تخلي سيرتنا علي كل لسااااااان
سليم: يابوي حلها ط.لقه ونخلص من العا*ر الي جايبهولنا
رضوي: والنبي لا انا مش عايزه ام*وت…. سامحني ياعمي والنبي
جلال: اسمعي كتب كتابك علي سليم بكره… مش عايز نقاش
سليم: كتب كتاب مين؟ ايه الي هتقوله دا يابوي
جلال: اومال عايزها تفضحنا مع الغريب… الخدم في بيت الجبالي ملهومش عدد… والكلام كتير ياولدي
سليم پغضب: وانا اتحمل غلطتها ليه؟ اتجوز وحده بتحب راجل تاني ونامت علي سريره ليه؟
جلال وقف پغضب: الوحده الي هتتكلم عنها دي من د.مك للاسف… ولازم تشيل مصايبها
رضوي بدموعها واقفه بتبصلهم وهما بيقرروا مصيرها… وهي لسه بتفكر في عز: بس انا مش موافقه ياعمي
جلال ضر*بها بالقلم: انتي تخرسي خالص ومسمعش صوتك… بموافقتك ولا من غيرها هتتجوزيه
سليم بسخريه: لا وهي كمان الي رافضه… حلو اوي الكلام ده
رضوي عيطت وطلعت اوضتها
سليم: الي بتعمله ده غلط… وافتكر البت دي مش هي الي تستاهل تشيل اسمي
جلال: معلش ياولدي… نشيل مصيبتنا أحسن منتعاير بيها بعدين
سليم: معلش ايه دا جواز… هو لعبه
جلال: البت صغيره برضو ومشت ورا قلبها… بكره تعقل وتعرف مصلحتها فين
