أنت عمري ج٢

أخر سنه لينا في الكليه ظهرت شيطانه هزة سعادتنا و دمرت حياتنا منقولة عندنا من كلية تانية بقالها اسبوع بس كانت اول مرة نشوفها اليوم الأسوأ في حياتنا

أنا ومراد مقبلنهاش من أول طله

بس للأسف الشديد أحمد أعجب بيها جدا من أول نظره كأنها خطفته

وطبعا بما إننا من أغني شباب الجامعه كان سهل عليه يقرب لها لأنها ماديه جدا هو قرب حب وهي قربت طمع
و حقاره

حاولت أنا ومراد نبعده عنها مستجبش ولما كنت بشوف سعادته اسكت ومراد يقول يومين ويبعد لما يكتشف

حقيقتها اتاريها زي السرطان اللي بينتشر في الجسم يدمره ومن المستحيل استئصاله

صرف عليها فلوس كتير جدا هدايه وفسح حاولت تقرب مني أكثر من مره بس كنت بصدها لدرجة أن في يوم ضربتها بالقلم .

شهقت عشق بعدم تصديق كانت مع صاحبك و تحاول معاك دي مش طبيعية

اشمئز وهو يتذكر ما حدث كرهتني في جنس الحريم كانت وقحه لدرجه انها تهددني تقول لأحمد أن بحاول أقرب منها

كنت شايف حالة صاحبي خوفت تكون أول مسمار في نعش صداقتنا

بس انا كنت عامل حسابي و سجلت لها مكالمات معايا
و دورت عليها وعلي المكان اللي كانت فيه وعرفت انها

عملت مشاكل كتير في الجامعة اللي كانت فيها بحاجات مشابهه هددتها بكل ده

خافت تخسر البنك ال وقعت عليه بس كانت بتبعده عننا بطريقه غير مباشره سهر وفسح

حبه عماه عن حقيقتها اللي كانت واضحه للكل إلا هو شخصيه ماديه حقيرة تدور علي فلوسه وبس

زي ما بيقولوا مرايا الحب عاميه أتفق مع باباه لما ينجح في رابعه يكتب كتابه و يتجوز باباه وافق أبنه الوحيد

وعايز يفرح بيه خطبها ولبسوا الدبل صراحه حاولت اكتر من مرة ابلغه بكل حاجه وفي اخر لحظه اخاف اخسره او أن قلبه ميتحملش خسارتها أحمد حنية الدنيا فيه قلبه طيب جدا

قبل فرحهم بكام شهر عمي حسن كان داخل صفقه بكل فلوسه و خسرها

ماعدش فاضل غير الفيلا و العربيات بس لما وصلها الخبر
بدل ما توقف معاه و تسانده جت صرخة فيه قدامنا
هو بجد الخبر ال سمعته ده باباك أعلن إفلاسه

رد بحزن شديد وهو غير متوقع لردها أه للأسف

سألته ببرود وأنت هتعمل أيه الوقت وفرحنا وضعه أيه

جذبها من يدها حتي يحدثها علي انفراد لكنها جذبت يدها بعنف ولم تتحرك وهي تردف قول ايه العمل وقدام اصحابك

شعر بالأسف من احراجها له وهو يردف بابا يبيع الفيلا بتاعته و يبدأ بيها مشروع و يعيش معايا هو وماما لحد ما الوضع يتغير