البوص ج2
بقلم يمنى عبد المنعم
تطلع إليها مطولاً دون أن يجيبها رغم شدة ثورته الداخلية ضدها، تاركاً إياها تتخبط بمشاعر شتى.
اقترب من الباب كي يذهب لعمله مرةً أخرى،صرخت به بقوة تُكمل غضبها منه.
قائلة بضيق: مبتردش عليا ليه ها، مش دي الحقيقة انك هترميني في اي وقت يعجبك.
تصاعد الغضب ونفاذ صبره عليها بداخل صدره ورغم ذلك كظم غيظه، ولم يلتفت إليها سليم بل تابع سيره دون أن يجيبها مغادراً المكتب.
ركضت ناحيتها نهلة تأملتها بتساؤل، قائلة بخفوت: إنتِ زعلانه ليه يا طنط.
ربتت على رأسها بحنان تطيل النظر إلى الشبه الواضح بينها وبين البوص الذي تجاهلها تماماً.
تنهدت ثم ابتسمت ابتسامة شاحبة قائلة: لا أنا مش زعلانه طول ما أنتِ معايا.
بادلتها نهلة بابتسامة مشرقة قائلة بهدوء: طب مش هتكملي لعب معايا.
هزت رأسها بالإيجاب، ممسكة بكفها الصغير عائدة بها إلى حيث ما كانوا يمكثون.
عقد عثمان حاجبيه بضيق حاد قائلاً بعدم فهم: أنا لغاية دلوقتي مش فاهم، انتِ ليه حاطه ملك في دماغك أوي كده، ومش سايباها في حالها في حين احنا من البداية قصدنا سليم وبس.
ضغطت على شفتيها بقوة، حتى أنها كانت ستدميها قائلة بحده: انت ليه مش فاهم ان ملك دلوقتي هيه الورقة الرابحانه، بعد ما سليم دمر كل حاجه خططنا ليها وخصوصاً بعد ما كشف اللعبة من بدايتها لدلوقتي.
هز رأسه موافقاً إياها قائلاً بإعجاب: اه فهمتك دلوقتي يعني قلتي بالمرة بقى تدمري حياته اللي لسه بادئها.
ضحكت أيتن باستهزاء ساخرة بما تفوه به عثمان قائله بتهكم: حياة مين اللي هتدمر يا عثمان انت فاهم اخوك كويس، سليم مش بتاع جواز كان من البداية خالص اتجوزني، لكن رفض يتجوز وهوا شويه وهيزهق منها وياخذ اللي هو عايزه منها وهيطلقها في الآخر.
زفر شقيقه ثم جلس على مقعداً خلفه قائلا باقتضاب: انا فاهمه كويس بس كلمه حق تتقال انت كنت السبب ورا إنه يكره الجواز.
ضيقت عيونها بقوة قائله بغضب: عثمان شكلك هتنسى نفسك ولا ايه انت ناسي عملت فيه ايه، دمرته ووجعته يعني مشترك معايا في الي حصل له، واللي هوا بقى عليه دلوقتي.
ابتسم بتهكم مجيباً باللامبالاة: مش كل ده كان من تخطيطك انت من البدايه، لإن اهم حاجه عندك الفلوس والشهرة وبس.
صمتت قليلاً تسترجع كل ما مرت به مع سليم في الماضي، متذكره ذلك اليوم الذي كشفها على حقيقتها قائلا لها بحزن: انت ازاي تكوني كده بعد كل اللي عملته علشانك تبيعيني لادهم الشرقاوي وتبيعيني كمان لعثمان وانت عارفه انه هوا اول واحد باعني ليه كل ده عشان الفلوس.
