عشق الزين ج2
بقلم مروة البطراوي
استيقظت خلود ونهضت من جانب الزين واخذت حماما هادئا وظلت تتذكر كلماته الاخيرة قبل النوم …نفضت راسها من هذا الشعور الغريب الذي تسلل اليها …ووضعت في راسها شيئا واحد انه يفعل ذلك من اجل ايقاعها فقط …خرجت خلود من الحمام وجدته مستيقظا يجلس نصف جلسه علي الفراش مبتسما لها بسعاده …قالت بصوت مبحوح
=صباح الخير …الحمام جاهز …انا نازله افطر ومنتظراك تحت عشان نروح الشركه سوا …انا بقيت كويسه.
نهض من الفراش وتوجه اليها ونظر الي شعرها المفرود بجنون وقال
=صباح النور علي احلي خلود …الجميل لسه زعلان مني برضه …مش ناوى يحن عليه ببوسه كده علي الصبح.
ابتسمت وتوجهت الي اذنه هامسه
=لا ولا حتي نص بوسه …لغايه ما انت تقولي علي اللي مخبيه عني .
قام بملامسه وجهه بوجهها واخذ قبله منها عنوة ذابت فيها ذوبا جعلها تتاوه وتقول
=مفيش فايده برضه …بتعرف تقلب كل حاجه لصالحك.
رد عليها زين وهو يلهث
=معرفش تكوني قريبه مني بالشكل ده …واتكلم في حاجات ملهاش لازمه …لما بتكوني قريبه بتربكيني.
تنهدت خلود وقالت
=يااااه لو تفضل علي وضعك ده …هتبقي الحياه جميله اوى …بس للاسف ديما بيكون ده الهدوء اللي بيسبق العاصفه.
ثم امسكته بنعومه من خديه قائله
=تعرف يا زين …اول ما اتجوزنا مكنتش بخاف منك قد ما بخاف منك دلوقتي …بخاف من غدرك وعدم ثقتك فيا
زفر انفاسه حانقا وقال
=قلتلك ميت مرة قله الثقه دي بسببك وبسبب جنونك وكذبك وخداعك.
جحظت عينها وقالت
=اقسم بالله …كنت عارفه انك هتتحول في ثانيه …شفت لمجرد اني قلت كلمه قلبت عليا بسرعه.
ابتسم زين وتوجه اليها يلثمها من جبينها واضعا بعد ذلك جبهتها علي جبهته
=لما انتي عارفه بتستفزيني ليه …ليه بتفتحي في حاجات ملهاش لزمه تتفتح …وانا وعدتك امبارح اني هنسي كل اللي حصل قبل كده.
نظرت الي عينه وقالت
=غصبن عني يا زين …لما بشوفك كويس معايا …بخاف لتقلب تاني .
وضع يده علي شعرها يلمه ويقول لها
=هحاول اتحكم في اعصابي …انتي كمان تحاولي تسمعي كلامي …علشان ميحصلش صراعات بينا تاني..
هزت راسها بالموافقه وقامت برفع شعرها برباط لانها فهمت انه لا يريده مفرودا وطبعت قبله علي وجهه وذهبت الي اسفل.
انهي زين وخلود فطارهم وتوجهوا الي الشركه بسيارة زين حيث رفض زين رفضا قطعيا ان تدير اي سيارة لانه يخشي عليها من حوادث السير…وصل الي الشركه ذراعها يتباطا ذراعه تحت انظار العمال والموظفين ….واسر الذي كات يراقبهم من خلال نافذته وهم اسفل الشركه…اخرج اسر هاتفه واتصل بشخص يدعي كامل وهو من كبار المستثمرين في السوق لكي يتم من خلاله صفقه كبيرة للشركه وان لم تتم سوف تخسر الشركه كثيرا.
