من اجل ذنب
عزيز: يعنى موافق
عبد الحميد: طبعا انت غلاوتك عندى من غلاوة سليم
عزيز: ربنا يخليك ليا
عبد الحميد: ان شاء الله بعد العيد نتفق علشان انا مسافر الحج لم نرجع
عزيز: تروح وتيجى بالسلامة
عبد الحميد: مش هوصيك على سليم فى غيابى
عزيز: من غير ما تقول سليم اخويا الصغير وانا ديما فى ضهره وبعدين ربنا يخليك لينا
وبعد شوية خرج عزيز
وعدى يومين وجاه ميعاد سفر عبد الحميد وفاطمة ووصلهم سليم المطار وطلب منه عبد الحميد أنه
يسيب العربية فى المطار علشان لم يرجعوا يروح يجيبهم والسواق يجيب العربية التانية بالشنط وفعلا
سليم عمل كده
وعدت ايام العيد من غير احداث نفذنا طلب امى علشان الناس الغلابة
وفى يوم أصر وليد أنى اروح اسهر معاه وفعلا رحت ورجعت البيت متاخر وكان المفروض أروح أخد
أروح أخد فريدة من كليتها ونروح أحنا الاتنين نستقبل بابا وماما من المطار
رنة التليفون
سليم: الو
الشخص: ——
سليم: انت بتقول ايه
يتبع…
الحلقة١٣
سليم بعد ماقفل التليفون نزل جرى من على السلم
فريدة كانت لسه راجعه من كليتها وأول ماشافت سليم
فريدة بزعيق : ماشى ياسليم ده الاتفاق اللى اتفقنا عليه زمان دلوقتى ماما وبابا فى المطار ومستنين
سليم : مش وقته مش وقته
فريدة بقلق: فى أيه ومالك مش على بعضك ليه
سليم بقلق :فى واحد كلمنى وقال إن بابا وماما عملوا حادثة على طريق المطار
فريدة بصدمة: انت بتقول ايه
سليم: ده اللى حصل انا رايح على المستشفى
فريدة: استنى انا جاية معاك وجريو هما الاتنين لحد ماركبو العربية وطول الطريق بتقرا قران وبتدعى
ربنا يخللها ابوها وامها لحد ما وصلوا المستشفى وسألوا على اهلهم وقاللهم انهم فى أوضة العمليات
ووصلنا هناك لقينا الدكتور لسه خارج
سليم : طمنى يادكتور
الدكتور: للاسف ولدتك اتوفيت اول ماوصلت ووالداك حاليا حالته حرجة ادعوله
نزل كلام الدكتور عليهم كأنه جبل وفريدة مستحملتش الصدمة وقعت من طولها ووسليم مبقاش شايف
أدامه
أمه اللى خسرها وأبوه اللى ممكن يروح فى ثانية ولا اخته اللى عندها صدمة أتصل سليم بوليد صحبه
وعزيز ابن عم ولده وبعد شوية وصلو
وليد وعزيز فى نفس واحد : ايه اللى حصل
سليم بتوهان: مش عارف واحد اتصل قال إن بابا وماما عملوا حادثة واول ماوصلنا الدكتور بلغنا أن
امى اتوفت وفريدة اغمى عليها من ساعة ماسمعت الخبر
