من اجل ذنب
وليد: كان زمان عمى هو إللى مسيطر على كل حاجة دلوقتى انت وعزيز هيحب يعمل عليك كبير
فعلشان كده لازم تاخد بالك
سليم: مش وقته الكلام ده ياوليد سيبنى فى المصيبة اللى انا فيها
وعدى الليل وجاه النهار وفريدة فاقت وفضلت تصرخ وادها الدكتور حقنة مهدئة تانى وخلصت
الإجراءات الدفن وعملنا عزا يليق بعائلة الانصارى وفضلت فريدة نايمة من كتر المهدئات لمدة يومين
كانت داده سيدة مش بتسبها فيهم عملت بوصية أمى وفاقت فريدة ورحت ازورها
فريدة بدموع: خلاص ياسليم بابا وماما ماتوا يعنى كده مفيش حد هيبقا حنين عليا
سليم وهو يطبطب عليها: اومال انا روحت فين انا موجود
فريدةبدموع : يعنى خلاص مش هدخل البيت الاقى ماما مستنينى طب مين هيصحينى الصبح ويفضل
يدعلى ومين هيشوفنى وانا عروسة ويلبسنى الطرحة وكمان بابا راح وسبنى مين هيجمعنا على السفرة
ومين هيبقى السند ومين هيسلمنى لعريسى خلاص الامان راح والحنان راح هو كمان ليه سابونى
لوحدى كانوا خدونى معاهم هعيش ازاى من غيرهم وفضلت وتصرخ وتعيط وهى فى حـ,ـضنى دخلت
داداه سيده اخدتها فى حـ,ـضنها وقاعدة تقرلها قران لحد ما نامت وبعد خرجت لقتنى واقف اودام الاوضة
سليم: عاملة ايه دلوقتى
سيدة: نامت بعد ماقرتلها قران
سليم: انا تعبان اوى ياداده
سيده: اجمد يابنى دى سنة الحياة وحد الله
سليم: لا اله الا الله
سيده: محمد رسول الله ايوه كده حاول تمسك نفسك علشان خاطر اختك هى مالهاش حد غيرك دلوقتى
وجاه عزيز من وراء داده سيده: وانا روحت فين سليم وفريدة فى عينيه
سيده: ربنا يخليك ياعزيز بيه
عزيز: روح استريح ياسليم علشان الشركة محتجالك
سليم بيأس: انا مش عايزة حاجة انا تعبان
عزيز: لا احنا بنقول ايه انت لازم تجمد علشان خاطر اختك
سيده: عزيز بيه عنده حق روح استريح وانا كلمت فوزية بنتى هتيجى دلوقتى تبات مع الست فريدة وانا
اروح البيت معاك اعملك لقمة
وفعلا بعد شوية وصلت فوزية ومشى سليم وراح البيت واول ما دخل البيت شاف امه وأبوه فى كل
مكان فى البيت ليه ذكريات فيه السفرة أوضة المكتب كل ركن وده زود احساسه بالذنب انه السبب فى
مـ,ـوت ابوه وأمه وأنه لو كان راح وجابهم من المطار مكنش ده حصل بس داده سيده قالت إن ده
قضاء ربنا لازم نرضى بيه
وعد كذا يوم واخيرا فريدة استعادة صحتها ورجعت البيت وسليم طول الفترة دى مكنش بيروح الشركة
