من اجل ذنب
تفكير أنه يجارى الناس دى لحد مايعرف آخرهم
عودة إلى مصر وبالاخص عند الباشا وسهى
سهى: واضح أن سمر عحبته
الباشا: هما يومين بس وهتلاقيها هنا بتترجنا اننا نشغلها
سهى: تفتكر
الباشا: اكيد سليم الانصارى مبيعرفش واحدة اكتر من اسبوع
سهى بشر نفسى اشوف منظرها دلوقتى بعد مابقيت خلاص زينا
الباشا: متقلقيش وبعدين احنا استفدنا منها المبلغ اللى اخدناه من سليم يعيشنا حلوين أوى
سهى: عندك حق
الباشا: طب يلا اطلعى للصالة
سهى: حاضر
أما عند سمر فكانت قاعدة والباب خبط
سمر: ادخلى ياست فوزية
فوزية: اش عرفك أنى انا
سمر: مفيش حد غيرك هنا
فوزية: طب يلا يابنتى سليم بيه مستنيكى تحت على العشاء
سمر: مش عايزة
فوزية: يلا اسمعى الكلام
نزلت سمر مع فوزية للعشاء واكلت من غير ما تتكلم مع سليم نص كلمة لحد ماسليم اتكلم بعد
العشاءعايزك فى المكتب
سمر: حاضر
وبعد شوية كانت عنده فى المكتب
سليم: اقعدى انتى مش كنتى عايزة تعرفى بحميكي من ايه
سمر،: ياريت
سليم: خدى اسمعى التسجيلات ديه وانتى هتعرفى أن وجودك معايا حماية
نرجع لمراد بعد مامشى مارك طلب من حد مساعده ويدعى عفيفى أنه يجمع اكبر قدر من المعلومات
عن مارك وعلاقته بسليم الانصارى فهو فاكر وعده لابوه أنه يحمى سليم من اى حد حتى من نفسه
بالرغم من ظلم سليم ليه وانه السبب فى سافرهم برا مصر
نرجع لسمر بعد ما سمعت التسجيلات دى وفهمت لعبة سهى مع كريم بدأت تعيط على نفسها وتقول أنا
عمرى مااتمنت لسهى غير كل خير وهى تعمل فيه كل ده طب ليه
سليم: الشخص الا جوه حقد ميتسألش انت بتاذى الناس ليه علشان كده انا حامتك
سمر: لحد امتى
سليم: طول العمر وحتى بعد مـ,ـوتى
سمر بتلقائية: بعد الشر
سليم ابتسم: افهم من كده أنى بقيت شخص غالى عندك
سمر: شخص غالى مش هقدر أقولك أيوه بس أبتديت أثق فيك
سليم: وده اللى انا عايزه أنك تثقى فيا
سمر: بس أنا عايزة اروح الكلية
سليم: بكره كل المحاضرات هتكون عندك وكمان كتبك يلا اطلعى نامى
سمر باستلام: حاضر
وعدى يومين من غير احداث جديدة سمر بتذاكر وبتراجع كل محاضراتها وسليم مش بيفارق البيت
علشانها
أما عند مراد فبعد عفيفى ماجابله المعلومات اللى هوطلبها واكتشف أن مارك عضو فى المافيا وانهم
عايزين يغسلوا أموالهم عن طريق شركات الانصارى
مراد :انا لازم انزل مصر خلال كام شهر
