من اجل ذنب
الدكتور كاتبله أدوية وحقن وانت تعرف أنه عندى فكرة عن الموضوع من ايام بابا الله يرحمه فطلب
منى أن اقعد معه وتابع الموضوع ده طبعا انت ممكن تقولى ليه مكلفش ممرضة هرد عليك لان صعب
يثق فى حد وهو طلب منى أنى ابشار الموضوع ده فعلا فى الفترة قربت منه جدا حسيت اد ايه رغم كل
الفلوس والنفوذ اللى عنده لكن تحس انه ضعيف ومحتاجاه زى ماهو محتاجله
على: محتاجلك ومحتاجاه طب ازاى
سمر: هو محتاج لعائلة يحس انها بتحبه ومستعدة تقف جامبه لقدر الله لو تعب اما فحتياجى ليه حسيت
الامان لم قربت منه حسيت أنه زى بابا حنيته كل حاجة ارجوك ساعدنى واقنع ماما انها توافق صدقنى
انا هكون مبسوطة وانا معاه
على: طب سؤال هو متجوزش ليه كل ده
سمر: وهو شاب ابوه وامه واخته ماتوا فى حادثة من ساعتها وهو تعقد وبضحكة خفيفة من سمر اول
ماشاف اختك عقدته اتفكت
على : طبعا حد يشوف العيون الحلوة ده مايحبهاش
سمر: يعنى هتساعدنى
على: ان شاء الله أنا عندى درس أما ارجع هكلم ماما
سمر: ربنا مايحرمنى منك
مشى على وساب سمر طبعا هى كذبت فى طريقة معرفتها بسليم لكن مشاعرها ناحيته أنه فعلا مصدر
امان ليها حقيقة فهى بالرغم كام يوم الا قربت منه لكن حست أنه أنسان طيب وحنين ودعت ربنا أن
يهدى امها وتوافق عليه
أما عند سليم فبعد ماوصل المخزن واخد الباشا لاوضة تانية وسمع الباقى صوت الرصاص
الباشا: ابوس ايديك ياسليم بيه أرحمنى
سليم وهوبيقعد على كرسى ويحط رجل فوق رجل: وانت محرمتش سمر ليه
الباشا بخوف: أن ماليش ذنب سهى هى السبب هى إللى كانت عايزة تنتقم منها
سليم: هعمل نفسى مصدقك وهحرمك من العذاب ده بس بشرط
الباشا بلهفة: انا موافقة على اى حاجة
سليم: اولا تبيع المكان اللى انت مشغله وتجيب الصوراللى انتم مصورناها لسه أنت والحقيرة سمر
مفهوم
الباشا: مفهوم
سليم وهو بيقوم بوقف: هتخرج دلوقتى مع حسين هتروح على الزفت المكان بتاعك هتمضى على أوراق
البيع وتديلوا الصور مش عايزة افكر أن لو لعبة بديلك الرصاصة اللى كانت فى الهواء المرة الجاية
هتكون فى نفوخك مفهوم
الباشا : اعتبره حصل انا اصلا معرفش حد اسمه سمر
سليم : تعحبنى
خرج الباشا من عند سليم ومعاه حسين علشان ينفذ المطلوب
أما سليم فامر رجالته انهم يجبيلوه كريم
دخل كريم وهو وسط رجالة سليم وزقه تحت رجلين سليم
