من اجل ذنب
سمر: انا رايحة البلد
نهى: خير ماما تعبت تانى
سمر: لا
نهى: تصدقى أن الشلة كلها بعد المحاضرات كانت هتروح المدينة تسأل عليكى
سمر: لا انا سبتها
نهى: ازاى وليه
سمر: اصل انا هتجوز
نهى بصدمة: تتجوزي مين وازاى وامتى
سمر: بعدين كل الأسئلة دى هرد عليها بعدين المهم سلميلى على دينا واحمد هكلمك تانى وقفلت السكة
لانها معندهاش استعداد تسمع أسئلة تانية
بعد ماقفلت نهى مع سمر وهى سرحانة فى المكالمة
دينا: هى مين اللى هتتجوز وهو مش انتى قولت سمر الا بتكلمك
نهى وهى لسه مصدومة: سمر هتتجوز
دينا واحمد فى نفس واحد: تتجوز ازاى وامتى ومين
نهى: معرفش هى قالت كده وبس
دينا: طب هى فين دلوقتى
نهى: بتقول مسافرة عند اهلها
دينا: الموضوع ده فيه سر
احمد: يمكن ربنا بعتلها واحد ابن حلال يتجوزها
نهى ودينا فى نفس واحد: ازاى ومين
احمد: بكره نعرف
أما عند سمر بعد ما وصلت وطول طريق تدعى ربنا يسهل امورها ووصلت البيت واول ما دخلت
شافت عاليا
عاليا وهى بتجرى عليها تحتضنها: وحشتنى اوى
سمر: وانت كمان طمننى اخباركم ايه
عاليا: كله تمام
سمر: اومال ماما فين وعلى
عاليا: ماما ياستى اخدت دواءها ونايمة وعلى كمان نايم
سمر: على ليه نايم لدلوقتى
عاليا: اصل كان سهران طول الليل
سمر: ليه هو رجع للسهر تانى
عاليا: لا كان سهران هنا بيذاكر
سمر: طب كويس هدخل اغير هدومى وهحضر لقمة ناكلها
عاليا: احنا مجهزين كل حاجة وهتاكلى من أيدى
سمر بضحك: بطنى وجعتنى
عاليا بزعل: كده باسمر
سمر: طب متزعليش اكيد حلو زيك هدخل اغير هدومى
دخلت سمر تغير هدومها وهى بتدعى ربنا يعدى موضوع جوازها على خير وبعد ماغيرت هدومها
خرجت راحت ناحية أوضة مامتها وخبطت على الباب
شادية من جوه: ادخلى ياسمر
سمر: وعرفتى منين أنى انا ياست الكل
شادية: سمعت صوتك بره مع عاليا
سمر: انا سالت عليكى عاليا قالت نايمة
شادية: مالك ياسمر فيكى ايه
سمر: مفيش
شادية: لا فيكى حاجة طالما عينيكى بتدريها عليا
سمر: مفيش حاجة ياست الكل انا هروح اصحى على علشان نتغدا كلنا مع بعض
وبعد شوية وهما على الغداء
على بضحك: انت اه اللى جابك يابشمهندسة مش معادك
شادية: مالك يا ولد باختك
سمر: سيبيه ياماما انا واخده على رخامته دى المهم انا عايزاكم فى موضوع مهم بعد الغداء
عاليا بضحك: موضوع ايه جواز مثلا
سمر وهى شرقانة وبتكح
