من اجل ذنب
سهى وهى بتصرخ هقتـ,ـلها
خرج سليم وسابها وهى بتصرخ ومشى وكلم حسين وعرف أنه خلص الموضوع مع الباشا وان الصور
معاه
سليم تمام كده هاتلى الحاجة وحصلنى على القصر
اماعند سمر ففضلت أنها متدخلش لآمها لحد ماعلى يرجع ويكلمها هو وبعد شوية على رجع لقى سمر
مستنايه
على: شكلك زى الا مستنيه نتيجة امتحان
سمر بتهزر حضرتك من ساعة مااتكلمنا وهى ماخرجتش من اوضتها
على: طب تعالى ندخل ليها
دخل على وسمر عند امهم
على: الجميل قاعد لوحده ليه
شادية وهى بتبص ناحية سمر: هو انا كان حد سال فيه
سمر: ياماما مش انتى زعلت منى
شادية: لو جايين تتكلم فى موضوع ده فانا هنام
على: ممكن تسمعينى انا
شادية: اتفضل
على: بس ياستى سمر حكاتلى كل حاجة وبصراحة أنا سألت عنه والناس بتشكر فيه اوى هنا سمر بصت
لاخوها باستغراب وهو بصلها بص هفهمك بعدين وبعدين انت طول عمرك بتدعى لسمر أن ربنا يعوض
صبرها خير ويرزقها باللى يستهالها
شادية: هو ده الا يستهالها واحد ضعف عمرها
على: مش يمكن هو ده اللى هيسعدها
شادية: هى من امتى السعادة فى الفلوس
سمر: هو انت فاكره انى هتجوز سليم علشان فلوسه
شادية: اومال علشان ايه هتتجوزى واحد ضعف عمرك
سمر : لا بجد انا بحب سليم وبعدين انا قولت ل على كل حاجة فعلشان خاطرى وافقى
على: طب ممكن تسبينى مع ماما شوية
سمر: حاضر
وخرجت سمر وسابت على مع امها
على انا هحكيلك كل الا سمر قالته وحكى على كل حاجة واد ايه اخته مبسوطة وسعيدة ايه رايك
شادية: مش عارفة
على: انا عندى حل ايه رايك لو يجى وتعقدى معاه وتشوفيه وبعدين انت ام قلبك هيحس لو مش مناسب
ايه رايك
شادية بفرحة : تعرف انا اكتر حاجة عجبانى فى موضوع ايه
على: ايه
شادية: انك اخير شلت مسئولية واختك وكمان واقف جمبها وبتساعدها ربنا يخليكم لبعض
على وهو يبوس ايد ربنا يخليكى لينا هروح انادى سمر تقوللها انك وافقتى
شادية: انا موافقتش لسه
على: وهو خارج اقصد وافقتى انك تقابليه
خرج على من عند والداته لقى سمر فى انتظاره
سمر بقلق: عملت ايه
على يحاول يلعب باعصابها: بردو مصممه
سمر بخيبة أمل: مفيش فايدة
على وهو يحـ,ـضن اخته،ة: عيب عليكى كلميه شوفى عايزة يجى امتى
سمر وهى تبوس اخوها: حاضر حلو بكره
على: على طول كده
سمر: احسن ماما تغير رأيها
وراحت لسمر تكلم سليم فهى برغم من الموضوع ورفضها ليه فى الاول لكن شعور الامان الابتحسه مع
