أحببت بصيرته ج4

فتون : قلبها بيدق . ا.انا محتاره البس ايه . ماشاءالله الفساتين كتير اوى وحلوين جدا . اختارى معايا ..

حنين : بتختار . امممم اهو الفستان الكشمير ده هيبقى تحفه اوووى عليكى . امسكى . وشوفى اى فستان هيجى ع مقاسك . والبسي بسرعه . وانا هحطلك ميكب خفيف . يلاااا ..

ف الوقت ده . الشيخ محمد لما عرف جه بسرعه . وطول الطريق سميره بتحكليه ف الفون . ومستغرب جدا . كتب كتاب كدا ع طول .. وقفل معاها . وقابل زينهم . ايه يازينهم الل سمعته ده ؟

زينهم : والله انا اتفاجئت زيك كدا بالظبط . بس بينى وبينك . الراجل شارى . وجاي ومحمل . واتقدملها قدام الناس كلها . زى الافلام . وانا كنت مستغرب . بس الل ريح قلبى . إن فتون كانت طايره من الفرحه . ساعتها بس عرفت ليه سليم كان زى المجنون وانقذ فتون ..

محمد : ليه ياحج زينهم ؟

زينهم : سليم بيحب فتون بنتنا اوى ياحج محمد . راجل بصحيح ويتقدر .يلا ربنا يكرمها . تعالى نطلع علشان فتون بعتتلى عايزانى شاهد ع العقد . وانت وكيلها . البت دى جدعه اوى اوى يامحمد ياخويا ..
محمد : اتنهد وقال جواه . إلا جدعه يازينهم . فتون دي جميلها ف رقبتى ليوم الدين . وفاق وقال ع بركة الله . يلا نطلع ونبارك ونهنى . ونخلى الفرح يدخل بابها … وطلعو وسلمو ع الكل . والمأذون بدء بكتب الكتاب .

———————-بقلمى مريم نصار

فتون : لبست الفستان . وحنين حطت ليها لمسات خفيفه . ولبست الحجاب . والاكسسوارات .وخرجت والكل انبهر بيها . وسليم قلبه دق ..

فتون : واقفه متوتره وعينيها ع الخاتم الل ف أيدها ومش مصدقه . وحاسه انها ف جميل
وفاقت ع صوت محمد . أمضي يابنتى .
فتون : برعشه مسكت القلم ومضت .

المأذون . بارك الله لكما وبارك عليكما وجمع بينكما في خير

بارت ٢٩

المأذون . بارك الله لكما وبارك عليكما وجمع بينكما في خير .. بالرفاء والبنين إن شاء الله .

الزغاريط اتملت ف الشقه . والفرحه ف قلب الكل .

سليم : قام وقف ومبسوط جدا خلاص اخيرا تونا حبيبته بقت مراته .

خالد : بفرحه الف مبروك يانجم . وحضنه بعض ..

سليم : الله يبارك فيك . وهمس انت اخدت الورقه من المأذون ؟

خالد : همس اطمن . وفتون مضت عليها ورقم البطاقه بتاعتها اتكتب ع العقد.

سليم : اتنهد بأريحيه . تمام . شكرا جدا ياخالد .