بني سليمان ج1

علي الساعة الثامنة اخيرا، كانت تخرج سيارة عابد من بوابة القصر، وقد سبقتها سيارة واجد منذ عشرة دقائق تقريبا، متجهان سويا نحو مقرا واحد

‘ مقر : الـ سليمان جروب ‘

بالمقــر .

دخل سليمان لمكتبه الذي كان لجده سابقا وخلفه سكرتيرته ومساعدته الخاصة ‘ عليا ‘ جلس علي مكتبه بعدما نزع معطفه الاسود عنه واضعا اياه علي علاقة الملابس التي بجوار المكتب، هتفت هي بنبرتها السريعة المعتادة:-
_مستر سليمان احنا ورانا شغل كتير اوي، كل التعاقدات اللي كانت علينا من شهر وفاتت، والتعاقدات اللي معادها الايام دي، والشغل اللي كان لازم يتم تسليمه من شهر واتأجل، والشغل اللي…..
قاطعها واضعا يده امام وجهها ليصمتها:-
_اشـشـش، اتكلمي انتي بـس براحة وجهزيلي مواعيد جديدة وكله هيخلص انهاردة، بس متتكلميش بسرعة .. سامعة ؟
قال اخر كلمة بتحذير فـ اؤمات بحسنا وهي تطلق زفيرا عاليا بعد مجهودها الذي بذلته منذ لحظات
سليمان وهو يفتح جهاز الـ ‘ لاب توب ‘ الخاص به:-
_نبدا مع اول معاد ؟
عليا وهي تنظر لاوراقها:-
_معاد مع شركة ‘ W . A . S ‘ الجديدة، مع صاحبها مستر ‘ وليد امجد السامري ‘
سليمان:-
_هو موجود يعني ؟
عليا:-
_هو اتصل من ساعتين وانا قولتله ان حضرتك جاي، فقال هيكون هنا علي عشرة
اؤما بتفهم و:-
_تمام لما يجيي دخليه
وضعت امامه عـدة ملفات:-
_دي حوافز وشيكات لازم تتمضي
قام بامضتها بعد ان قرأها بعينيه قراءة سريعة، وضعت ملف اخر:-
_دا ملف الألأت اللي هيتم استيرادها من اليابان، فيها كل اللي طلبناه ومميزاته والميزانية المطروحة .. اقراه علشان لو عجبك نبعت فاكس بالطلب وتروح حضرتك تاكده
اخذه منها وهو يؤمي بحسنا
وضعت اخر أمامه:-
_دا ملف بعته الاستاذ أُسامة خاص بالحسابات
اخذه منها، كادت ان تتحدث .. فقال بضيق:-
_كفاية ياعليا، لما اخلص دول ابقي ابعتي الباقي
اؤمات بحسنا وهي تعتذر بنبرة خافتة، ثم استأذنته وغادرته بهدوء، ليبقي هو غارقا بين اوراقه الكثيرة يقرأها ويدرسها بكل تركيز ..

جلس واجد علي مكتبه وعلي مقعد اخر جلس اخيه عابد، الاثنان يسود الصمت عليهم، يطالعون الفراغ بعيون مفكرة، قطع الصمت واجد اخيرا بنبرته المليئة بغضبه المكبوت:-
_من الصبح الملفات نازله تـرخ علي الباشا واحنا هنا بنهش دبان، وهنفضل طول عمرنا كدا، ملناش فايدة وهيطلب مننا تنفيذ الشغل زينا زي غيرنا .. لـو سكتنا
عابد بنبرة سائلة:-
_طيب هنعمل اية ؟
صمت قليلا يفكر، قبل ان تتنير برأسه فكرة مكارة، فأستراح علي مقعده وهو يهتف بخبث:-
_نثبت انه ميستحقش مكانه دا، وقراراته اللي بياخدها بنفسه وبـس هتضيع الشركة، فتحس سوزان هانم انه مش جديد بالادارة ونعيد تقسيم الأسهم
عابد:-
_وانت ايـش عرفك ان دا اللي هيحصل فعلا لو اثبتنا عدم جدارة سليمان ؟
واجد بسخرية:-
_اومال اية اللي هيحصل ؟ هيكتبله كل حاجة بأسمه وهو عارف انه مش جدير ! اكيد يعني المـرة دي هيصلح بنود الوصية الغبية اللي فاتت
عابد بقلق:-
_واجد .. انت عايزنا نعمل اية ؟
انتصب واجد في جلسته، التمعت في عينيه بواد الشـر وهو يهمس بحسيس افعي سامة:-
_نوقع الشركة ومعاها سليمان، علشان عبد الحميد باشا يعرف حتي وهو في تربته انه كان غلطان لما خلي الباشا يكوش علي كل حاجة
عابد بتسأل وقد تَزرع الشر بقلبه ايضا:-
_يعني هنبدا نعمل اية ؟
واجد بنبرة ماركة .. خبيثة:-
_لا .. انا بدأت مش لسة هبدأ