أحببت الوريث
خرجت رؤى والاء من القصر .
الاء مسرعة بابتسامة: تعالى انا هوصلك في طريقي.
رؤى بجدية: لا انا هروح بالعربية بتاعتي.
الاء مسرعة : لا هاخدك معايا يلا اركبي.
وجعلتها تركب السيارة عمداً ،وكانت سيارة الاء بدون سطح ،وركبت الاء ووضعت يدها على عجلة القيادة.
رؤى مسرعة: الاء خليني انا اسوق العربية…سواقتك مجنونة وانا عارفاها..مش هستحمل حادثة تانية.
الاء مسرعة بابتسامة: ماتقلقيش.
وبدأت قيادة السيارة بسرعة جنونية ،شهقت رؤى سريعا،وامسكت ذراع الاء .
########################
أمام قسم الشرطة:
وصلت سيارة الاء امام قسم الشرطة ،اخذت رؤى تأخذ انفاسها.
رؤى بضيق: انت مجنونة …وكمان فاشلة في السواقة.
ونزلت من السيارة بضيق.
الاء مسرعة: شكراً..انا غلطانة اني وصلتك.
رؤى بضيق: اياكي تطلعي ورا بالعربية اللي وراكي دي عربية شخص مهم ..فاهمة!..اياكي.
تركتها رؤى بضيق واتجهت للداخل.
رؤى موجهة حديثها للحارس: صباح الخير ياعبد المنعم.
ودخلت ،وضع عبد المنعم يده فوق اذنه.
عبد المنعم مسرعاً: صباح الخير يافندم.
وكادت الاء ان ترجع للخلف بسيارتها وبدون قصد قد اصطدمت بسيارة ما ،جاء اليها الحارس سريعاً.
عبد المنعم بغضب: ايه اللي انت عملتيه دة!؟
الاء مسرعة: ماكنش قصدي.
عبد المنعم وهو ينظر لسيارة التي بالخلف: دة انت دمرتيها خالص.
نزلت الاء من سيارتها ونظرت لتلك السيارة.
الاء مسرعة: مش مهم هى محتاجة كام يوم تتصلح وهى ترجع جدية زي ماكانت.
عبد المنعم بضيق: وانا هقول لوريث بيه ايه دلوقتي لما يسالني مين اللي عمل كدة!
وضعت الاء يديها في خصرها .
الاء مسرعة: انت ماتعرفش انا مين عشان تجاوبه!!
وضع الحارس يده في خصره وهو يهتز ساخراً من فعلتها.
عبد المنعم بضيق: لا ما اعرفش انت مين عشان اقوله.
الاء بابتسامة: بنت وزير الداخلية .
وقف سريعا في اعتدال.
عبد المنعم مسرعاً: اسف يافندم فداكي ١٠٠٠عربية….بس بردو هقوله ايه؟!
الاء بابتسامة طمأنينة: ماتقلقش هروح مشوار وارجع وهقوله بنفسي.
#######################
ومر وقت:
في الاسكندرية:
في محطة مصر:
كانت الاء واقفة منتظراه ان يأتي وهى لاتعرف من الذي كان يحدثها ليلة امس.
الاء مسرعة بتأفف: بتبصي على ايه..هو انتِ عارفة شكله!!!!
ثم جاء اليها شاب ما .
الشاب بجدية: المكالمة …امبارح.
فهمت مايقوله ،ثم ذهب وهى خلفه حتى وصلوا لمكان بعيد لا يوجد به احد ثم دخلت في غرفة ما وذهب ذلك الشاب.
في الغرفة:
