من غير ميعاد ج2

بس في موضوع تاني عايز أخد رأي حضرتك فيه

نظر لها بإهتمام لأنه يري الحيره والتوتر عليها لأول مره

طبعا حضرتك عارف باسم قريب أركان باشا

أه عارفه

هو عزمني علي الغداء وأنا قولتله هسألك

ضيق ما بين حاجبه بتعجب وهو يردف وأيه بينك وبينه عشان يعزمك

هتفت بسرعه مافيش بيني وبينه أي حاجه والله كل مافي الموضوع أن شوفته أكتر من مره مع مدام عاليا

وحصل قبل كده تاتش بيني وبين بتول هو اللي صدها

هو أيه حصل في غيابي أنا مش عارفه

قصت له ما حدث بينها وبين بتول

وقف بغضب وليه ماعرفتنيش و أزاي تطاول عليكي كده

مافيش حاجه تستاهل مدام عاليا وأستاذ باسم خلوها تعتذر

برده مش فاهم أيه اللي يخليه يطلب منك طلب زي ده

فركت يدها مش عارفه بس أتكلمنا مع بعض أكتر
من مره و برتاح معاه في الكلام بحس أن عايزه أحكي ليه كل حاجه تخصني وأعرف عنه كل حاجه

إبتسم بخبث وهو يهتف ما هي بتبداء راحه تقارب حب لهفه جواز

نظره بحزن وهي تسأل بحيره هو ممكن أحب تاني بالسرعه دي

وفيها أيه وبعدين سنه مش قليله

هتفت بنفي بس أنا بحب هادي حب حقيقي مش مجرد إعجاب عشان سنه أنسي وباسم عارف كده

عمتا اللي أعرفه عنه من أركان يطمني بس هتابعك بالتليفون وبلاش تأخير وإلا تلاقيني فوق رأسك

خرجت حتي تبلغه بينما تابعها طارق وهو يهتف بتمني ربنا يجعل علي إيده الشفاء ويجعله سبب سعادتك يا صافي
*******”******
صباح الخير يا أمي

أردفت هدي صباح النور يا ضنايا

قاعده كده ليه يا حبيبتي لسه بدري

هتفت بحزن النهارده سنويه الغالي وكنت عايزه أعمل شوية فطاير أفرقها علي روحه

جلس جوارها وهو يضمها ويقبل رأسها لتبكي بوجع

تعيشي و تفتكري يا حبيبتي أنا عامل حساب كل حاجه من يومين أوعي تشيلي هم حاجه طول ما أنا عايش

وجد يد تربت علي كتفه بحنان وصوت يدعوا له ربنا يباركلنا فيك يا ضنايا عمرنا ما حسينا أن عندنا ولد واحد دايما كنت إبننا التاني في الأكل واللعب حتي النومه

أمك كانت بتتجنن وتحاول تاخدك لما تنام أقولها الولد يبرد أنتي عايزه تبهدليه وفين وفين لما تعودت
قبل يده ربنا يخليكوا دايما ليا
***********
قام شاهين بالإتصال علي خالة سلمي وعندما سمع صوتها
هتف بأدب أخبارك يا خالتي وأخبار صحتك

معلش كنت عايز منك خدمه ضروري

منحرمش منك أبدا يا غاليه أنا مسافر يومين