من غير ميعاد ج2

أخفضت عينها تداري بسمتها

وقف وهو يردف يلا تعالي نسهر مع الناس اللي

تحت أنا النهارده أسعد و أغني شخص علي وجه

الأرض ووجودك معايا هو السبب

**************
دخلت صافي دون طرق نظره في الوجوه أمامها شعرت بتوترهم لتعتذر وهي في طريقها للخروج مره أخري

هتف طارق أدخلي يا صافي تعالي بينما وقفت رقيه وهي تهتف بعد إذنك يا دكتور

قررت صافي أسفها مره أخري إبتسمت رقيه وهي تبتعد دون كلام

بينما جلس طارق مره أخري

جلست صافي أمامه هو في جو جديد ولا أيه حاسه أن الجو مكهرب شويه

هتف طارق بنفي أبدا مافيش حاجه من اللي في خيالك بس بنرتاح مع بعض بالكلام

هتفت بتشجيع طب ما هو بيبداء كده إرتياح تقارب حب لهفه جواز

رفض طارق الفكره ::
لا لا جواز أيه أنا راجل في الخمسين أعمل أيه بالجواز

ممكن نقول عشان الونس مثلا

نظر لها وهو يهتف بحيره ما أنتي وأختي وولادها موجودين في حياتي

موجودين بس مش دايما حضرتك مش مستقر

مابين مصر والكويت شهرين هنا وشهرين هنا وفي

مصر بتكون لوحدك وأنا شايفه أن دكتوره رقيه مناسبه شكلا وموضوعا

تحرك في الغرفه بتوتر وحيره تفتكري ينفع أخد الخطوه دي وهي ممكن توافق

هتفت بثقه وتشجيع ::
أنت راجل مافيش سن معين ليك عشان تتجوز و شايفه أن دكتوره رقيه مياله ليك وأكيد مش ترفض

إسمع نصيحه الأصغر منك وتوكل علي الله

*************
ظلت تنظر لهاتفها تريد مكالمته بأي حجه حتي تعلم ما به ثم تلوم نفسها علي هذا التهور الذي تفعله

دائما خطواتها محسوبه لما هذا الجنان هل يملاء شيء داخلها أم تهرب من الواقع به

حسمت أمرها وقامت بالإتصال عليه وقبل أن يفتح الخط أغلقته ثم قذفت الهاتف علي السرير وظلت تدور وهي تنظر له بضيق

بعد ساعه أو أكثر رن هاتفها تلقفته بسرعه ولهفه وجدته من يتصل ظل صابعها معلق في الهواء ترد أم ماذا وفي الأخير ردت

ألو

أسف ماكنتش فاضي و أتأخرت في الرد

هتفت بسرعه أنا اللي أسفه إتصلت بالغلط

الصمت يخيم علي الاجواء إلا صوت تنفسهم يعلن عن حاله الحيره والتوتر التي تشملهم

أردف باسم بتردد هو ممكن نتغدا بكره مع بعض محتاج أتكلم معاكي

خرج صوتها هاديء رغم ضربات قلبها القويه من التوتر واللهفه التي تشعر بهم عند سماع صوته وهي تهتف هسأل بابا طارق وأرد عليك

أنتبه بكل كيانه للكلمه هتف بحيره هو دكتور طارق ولدك