من غير ميعاد ج2

ده برشام عشان يخف حاله الغثيان و تجبلها

بسكوت بالملح بيساعد شويه في ظبط نفسها

ودي فيتامينات تساعدها علي تحمل الفتره دي و

تيجي كمان شهر بس بلاش تقف كتير أو ترفع حاجات تقيله الفتره دي

وقف شاهين يتناول الروشتا وهو يشكرها

ثم أخذ يد سلمي التي وقفت هي وحنان

وهم في الطريق سألها شاهين أيه رأيك لما نروح نقعد في الحديقه شويه تغيري جو

تمسكت بذراعه بفرحه وهي تردد بجد ينفع

تأملها بعشق وهو يهتف بصوت هامس
أه ينفع طبعا تعالي توجه لحديقه عامه وأجلسها

في مكان بعيد عن الزحام ثم توجه للبائع ورجع

يحمل معه ترمس ولب ناول حنان التي دعت لهم بالراحه والسعاده
**************
في الصباح وجدها باسم تجلس في الحديقه مثل زهره نديه تجذب من يراها

لتغير أقدامه وجهتها دون إراده منه ويذهب مكان جلوسها وهو يردف صباح الخير

ردت صافي بإبتسامه صباح النور

قاعده لوحدك ليه

مافيش حد لسه صحي قولت أستني مدام عاليا

عشان أستأذنها و أشكرها علي حسن الضيافه

أردف ببطيء
طب فيها مضايقه لو قعدت معاكي

أبدا مافيش مشكله وبعدين ده بيتك

جلس أمامها وهو يتنحنح هو ممكن اسأل سؤال

نظره له وهي تعطيه الإذن
أكيد طبعا أتفضل

أردف باسم ::
كل مره بشوفك ألاقيكي شارده كأنك في مكان تاني و الحزن ظاهر جداا عليكي ليه

هتفت بنفي أبدا مافيش حاجه بس أنا مش بحب الغربه وكنت رفضها بس الظروف اللي بتحكم ومش كل حاجه بنتمنها بتحصل

بقالك قد أيه مغتربه

هتفت بحزن ::
سنه ماكنتش أتخيل أن أقدر أبعد عن أهلي يوم

صدمها سؤاله عندما هتف و ياتري اللي سبتي أهلك

و بلدك بسببه قدرتي تنسيه

توترة من سؤاله ونظرته لتهرب من عيناه التي

تحاصرها

لم تشعر بهذا التوتر من قبل مع رجل غير هادي

رأي توترها ليتأكد حدثه وهتف أنا مش قصدي

أتدخل في خصوصياتك بس أوقات كتير بنبقي

محتاجين حد غريب نتكلم معاه عشان نخرج كل

اللي جوانا و نرتاح حد ما يربطناش بيه أي صله

هتفت بحنين ::
إتقابلنا أكتر من مره صدفه وبعد كده عمل

المستحيل عشان يقرب ونجح في أنه يلفت نظري

ويملك مشاعري إتخطبنا نظرة عيونه بتقول أن أنا حبه الوحيد تصرفاته لهفته كل حاجه كانت
بتفرحني لحد ما يوم قال أنه مش عايزني و هيرجع بلده ويرتبط بوحده من توبه

إنصدمت بس قلبي قالي ممكن يكون مضغوط من العيشه وضيق الحال أصبري عليه وبكره يهدي ويرجع وتعيشي معاه كل اللي حلمتوا بيه