من غير ميعاد ج2
بقلم أمل مصطفى
وثق أن قلب مراتك بقي ملكك ومافيش حد غيرك
يقدر يدخله ويوم ما تحس أن وجودي عكر صفو
حياتك أطلبها وأنا هبعد من غير أي زعل المهم عندي هي راحتك
******************
مرت الشهور وأصبح منزل كلا من هادي و موسي في أبهي صوره
لقد أصر هادي علي تجهيز المنزلين
منزل مهجه ومنزل أهل هادي
و موسي يشرف علي بناء معمل الجبنه و مزرعه الدواجن
بدء المشروع صغير بعدد محدد من العمال
ويأتي ميعاد الزفاف بروعته
قام هادي بصنع منزل ريفي بين الزرع علي الطراز
الفلاحي لإستقبال عاليا التي تعشق الحياه الريفيه البسيطه
وقاموا بنصب خيم لراحه الضيوف كانوا ثلاث شهور من العمل المتواصل أجدهم لدرجه كبيره
وقف يستقبلهم هو وصافي في المطار خرجوا
أسرع خطواته في إستقبال عاليا التي هتفت
بفرحه ألف مبروك يا حبيبي وحشتني جدااا
وأنتي أكتر يا أمي سلمت عاليا علي صافي وهو سلم علي أركان وزوجته و أبنه الذي تعلق بعنق هادي
وهو يهتف وحشتني يا باسم تعال أرجع معانا
قبله هادي بحنان أنا أسمي هادي و هرجع معاك بس مش المره دي لأن هتجوز
ماما عاليا أنا مجهزلك مفاجئه هتعجبك جداا
موافقه بس أنا اللي أحكم
وصلوا البلد ولاقوا إستقبال يليق بمكانتهم وبكرم أهل الريف
وبعد السلام والتعارف أخذ هادي يد عاليا ليقف أمام منزل من الطين طابق واحد لكن من الداخل له سلم للسطوح
أيه رأيك أنا عملته مخصوص عشان حضرتك كله
علي الطراز الريفي الجميل ماعدا الحمام
نظرت عاليا للمنزل بإنبهار ودفعت الباب لتدخل
قابلها حوش واسع وفي إحدي الزوايا حصير فوقه
طابليه وفي الجنب الأخر فرن من الطين
وغرفتين كل غرفه بها سرير نحاس حوله ناموسيه وصندوق للملابس فتحه هادي بصي دول شويه عبايات تلبسيهم فتره وجودك هنا
ضحكه عاليا بقوه عندما وجدت لمبه الجاز علي رف في الحائط
ليهتف بغمزه أصل مافيش هنا نور هتعيشي علي
لمبه الجاز شوفتي بقي أنا فاهمك أزاي بس مش
عارف أركان باشا هيعمل أيه
وجد يد عاليا تقبض علي أذنه قولنا أيه أركان بس
حاضر حاضر
أتمتعي بالمكان ولما ترتاحي أخرجي كلنا بره
تحركه في المنزل وهي تشعر براحه لم تجدها في القصور
**********
خرج وجد أركان يجلس علي كنبه جوار المنزل
فوقها مظله من الكيب وأمامه كبايات الشاي وبعض أطباق المخبوزات الفلاحي
إبتسم أركان أنت خبيث يا هادي عايز تخطف أمي مني
