روايه جديده ج3

ثم نظر الي وجود شهاب لـيشير اليه قائلاً :
_ و اية جابه هنا دا

كبح شهاب كلماته من الخروج و الافلات في حين تقدمت فيروز من اكرم تنظر اليه بـألم يكاد ان يقتلها تمد يدها له بـالصورة و هي تقول بـضعف :
_ قولي انت يا بابا مين دول كذبهم يا بابا عشان خاطري عرفني انه كداب و انك انت بابا

شلت الصدمة جسد اكرم و هو ينظر الي الصورة بين يديه نظر إلي هناء الجالسة تبكي بـصمت و من ثم عاد بـبصره نحو فيروز الباكية يتحدث قائلاً :
_ انتي جبتي الصورة دي منين مين ادهالك

هزت رأسها بـنفي و هي تجلس علي ركبتيها امامه تمسك بـقدمه متوسلة له ان يرحم ذلك التزاحم بـداخلها و ان يقضي علي هذا الألم القاسي الذي تولي انهيار قلبها قائلة :
_ لا عشان خاطري قول أنه كدب قول انك بابا انا هسامحك علي الفترة اللي فاتت و كل اللي حصل فيها بس قول انك بابا

ادمعت اعين اكرم و هو يجلس علي ركبتيه مثلها يحتضنها بـقوة و هو يقول :
_ انتي بنتي انا نور عيني متصدقيش اي حاجة

تشبثت به كـطفلة صغيرة وجدت والدها بعد ان كانت تائهة بـالشوارع بـمفردها بلا مأوى و هي تصرخ :
_ أيوة قول انه كداب قول ان محدش غيرك بابا

ابتعدت عنه حين استمعت الي صوت بكاء هناء بـحدة واضعة يدها علي وجهها لـ تبدأ هي الاخري بـالبكاء ناظرة الي شهاب و هي تتسائل قائلة :
_ بس انا لازم اعرف كل حاجة صح

هز رأسه بـايجاب لها ينحني يقبل رأسها يبث لها الطمأنينة قائلاً :
_ ايوة انتي هتقفي و هتعرفي كل حاجة و انا جنبك

استقام بـوقفته مرة اخري و هو يمسك بـيدها يوقفها معه لـ تهز رأسها بـاقتناع و هي تقول :
_ ايوة عايزة اعرف كل حاجة ابوس ايديكوا قولولي كل حاجة

جلس اكرم جوار هناء و بدأ بـالحديث و هو ينظر الي الصورة بـيده قائلاً :
_ كنتي عندك سنة كنتي صغيرة اوي ، كنا في اسكندرية بنصيف بعد ما عرفنا ان هناء معدتش هتخلف بعد ياسمين عشان عندها مشاكل في الرحم كانت مكتئبة و محبطة راحت تشتري حاجات و رجعت و انتي معاها و قالتلي انك تايهة من اهلك و انها لقتك بتحبي اخدتك ساعتها انا زعقت و حاولت اشوف اهلك مين بس معرفتش و هي قعدت تعيط و مش عايزة تسيبك و قررنا أننا نربيكي و تبقي زي ياسمين و اكتر و كل ما احساسي بالذنب بيكبر كل ما كانت غلاوتك تزيد في قلوبنا