روايه جديده ج3

قربها اليه اكثر يضغط علي خصرها اكثر و هو يقول بهدوء :
_ يعني مش هترجعي في كلامك تاني

هزت رأسها بـنفي و هي تقول :
_ ابداً و الله خلاص بقي يا حسام شكلنا وحش لو حد طلع و شافنا بالشكل دا

قبلها قبلة سطحية و هو يبتعد عنها قليلاً ناظراً اليها و الي ملابسها السمراء قائلاً :
_ رايحة فين

اجابت ببساطة و هي تنظر اليه :
_ رايح لفيروز ياسمين ماتت و لازم اكون جنبها في الوقت دا محتاجة دعم عشان تقدر تدعم طنط هناء

لم يمنع نفسه تلك المرة ايضاً من انتشالها داخل احضانه يشدد عليها بـقوة و كأنه يريد ادخالها بين ثنايا روحه ، استنشقت هي عطره المحبب لها في حين ربت هو بـحنان علي ظهرها قائلاً :
_ انا بحبك يا زينة اكتر ما تتصوري بلاش اي حاجة تفرقنا بلاش الطيش و الهبل و العناد دا بلاش اي حاجة تفكرك انك ممكن تقدري تبعدي عني من يوم ما كتبت كتابك مع عمي و انا وعدت نفسي انك عمرك في يوم ما هتبعدي حتي لو انتي عايزة دا حتي لو هتعيشي معايا بالغصب بس تبقي جنبي اوعديني انك عمرك ما هتبعدي عني تاني اوعديني انك حتي لو حصل اي مشاكل بينا نقعد و نتكلم و نحل كل حاجة بنفسنا بلاش تسرع و لا طيش و لا عند في نفسنا خلينا نعيش حياة هادية نتقبلها

تنهدت زينة بـقوة و هي توصد عينها تلف يدها حول خصره تبادله احتضانه و هي تقول بـراحة :
_ اوعدك يا حسام

***********************************
خرج طارق من المشفي و كانت بـاستقباله عمته ندي التي احتضنته بـشدة و هي تبتسم بـبهجة قائلة :
_ حمد الله علي سلامتك يا حبيبي

ابتعد طارق يقبل رأس ندي بحب قائلاً :
_ الله يسلمك يا عمتو

بحث بـعينه بـارجاء المنزل و هو يتسأل :
_ اومال فين ايلين

_ ايلين البنت اللي اتربت معاها ماتت و كانت بتعتبرها اختها عشان كدا هي هناك

هز رأسه بـتفهم و هو يجيبها بـهدوء :
_ اه طب انتي رايحلها

هزت ندي رأسها بايجاب و هي تقول :
_ ايوة يا حبيبي اطلع انت ارتاح و كلم مامتك طمنها عليك عشان زعلانة انها مش عارفة تنزل من السفر تشوفك

كادت ان تغادر لـ يوقفها هو قائلاً :
_ استني يا عمتو انا هاجي معاكي اشوف ايلين

_ تمام يلا بينا

غادرا نحو منزل فيروز التي كانت تجلس جوار هناء بعد ان استيقظت تحاول اطعامها و لو القليل حتي تقدر علي التحمل نظرت الي اكرم الجالس امامهم بـصمت قائلة بـضيق :
_ شوف يا بابا ماما مش راضية تاكل و لا لقمة واحدة