روايه جديده ج3

ارتجف قلبه بـحنان ابوي فطري التفت الي زوجته بـاعين متسعة و هو يقول بتساؤل خافت :
_ بتقولي اية

تقدمت منه هناء و هي تبكي بـقلب منفطر علي ابنتها الحبيبة قائلة :
_ أيوة يا اكرم بنتك تعبانة اوي حتي محدش معاها شهاب طلقها و راح يقعد عن اهله و هي لوحدها الله الاعلم بيها

شعر بـاختناق لـ يفك ازرار قميصه لـ تتحدث هناء بـتوسل اليه قائلة :
_ خليها تيجي هنا اراعيها لحد ما تقوم من العملية لو مش عايزها تيجي هنا اروح اقعد معاها هناك هو سابلها الشقة

جلس اكرم مرة أخري يدفن رأسه بين كفي يده لـ يجثو هناء علي ركبتيها امامه وضعت يدها علي ركبته و هي تتحدث اليه :
_ بنتك محتاجة مساعدتنا دلوقتي يا اكرم متنساش ان دي ياسمين يا اكرم

لم يتحدث و لم ينظر اليها لـ تمسح دموعها و هي تكمل حديثها قائلة :
_ انا عارفة كل حاجة انت عملتها و كل حاجة انت حاسس بيها انت مش عشرة يوم او اتنين يا اكرم عارفة ان قلبك حنين و انك مش هيهون عليك بنتك حتي بعد كل اللي عملته ، عارفة انت لية قررت تكتب كتاب فيروز علي احمد عشان تحافظ علي ياسمين و تفضل في ضل راجل بعد ما اتبريت منها حتي في الوقت دا كنت عايز تكون مطمن عليها بس …

صمتت تتنفس و هي تمسك بـيده يزيحها عن رأسه لـ يظهر وجهه الحزين و اعينه الحمراء لـ تقبل باطن يده و هي تقول :
_ بس انت كنت بتظلم فيروز و شهاب و كل اللي حصل فضيحة جوز اختها انتحر في اوضتها يوم كتب كتبها انا مكنتش موافقة من الاول انك تسعد واحدة علي حساب التاني .. انت عملت كدا في فيروز عشان هي …

قطع حديثها و هو يضع السبابة و الوسطى علي شفتيها يتحدث بـصرامة رغم اختناق صوته :
_ متطلعيهاش منك يا هناء انتي عارفة انا بحب فيروز قد اية و غلطتها بالنسبة لياسمين حاجة تافهة .. انا غلط فعلاً في حق فيروز و شهاب بس كنت عايزاني ارمي بنتي من غير ما اعرف هتعيش ازاي شهاب مكنش هيسيبها لوحدها زي ما ستر عليها في الاول بس حكاية جواز فيروز هي اللي خليته يتخلي و الكل شافني اناني و ظالم بس انا كنت عايز بنتي تكون في امان و هي بعيد عني كنت عايز شهاب يفقد الامل في فيروز

اغمضت عينها تتسدل دموعها الحارة و هي تضغط بـيدها علي يده ثم فتحت عينها ترمقه بـتوسل و رجاء قائلة :
_ اجيب ياسمين وسطنا لحد ما تعمل العملية عشان خاطري يا اكرم