روايه جديده ج3

توقف يلتفت اليها لـ تسرع نحوه و هي تغلق الباب خلفها عدلت حقيبتها علي كتفها و هي تمسك بـيده تتحدث بـتوسل :
_ حسام عشان خاطري بلاش تعمل كدا بلاش تكرهني فيك

اعينه المشتاقة تخبره ان يتفحصها جيداً و قلبه المتسارعة دقاته اخبره ان يحتضنها بـقوة لـعله يهدئ من اشتياقه اما عن جنونه فـ يخبره ان يختطفها الآن و يكمل زوجه منها ضارباً بـكل شئ عرض الحائط ، ابتلع ريقه بـصعوبة و هو يتخيل ذلك لـ يرفع يده يضعها علي وجهها يمرر سبابته علي شفتيها و هو يقول :
_ يبقي نكمل فرحنا و نتجاوز اللي حصل و انا حقك هجبهولك لحد عندك انا عارف انها غلطت في حقك بس دا ميدكيش الحق انك تقرري الطلاق من غير ما ترجعيلي او نتكلم زي الناس المتحضرة

حاولت ابعاد رأسها عنه و هي تتحدث بـارتباك واضح بـتلعثم كلماتها :
_ بس انا مش عايزاك تعمل حاجة مامتك رافضاها و انا بعد اللي حصل مش هقبل ان اكون في عيلة غير مرغوب فيا

شدد علي رأسها و لم يجعل لها الفرصة بـالهرب منه بل دفعها بـرفق نحو الحائط خلفها محاصراً إياها بـجسده الضخم نظرت حولها بـتوتر و هي تقول :
_ حسام انت بتعمل اية احنا علي السلم

مرر سبابته علي شفتيها مرة اخري بـطريقة اكثر اغراء و هو يقول بهدوء :
_ انا بس اللي اقرر حاجة زي دي يا زينة مش ممكن هسمح ليكي تعيشيني نفس الايام من تاني كفاية اللي عشته انا بس اللي اقرر حياتي عايزها ازاي و انا اخترتك انتي هاخدك و نعيش بعيد عن امي

كادت تعترض الا انه قطع اعتراضها حين انحني يلثم ثغرها بـقبلة عميقة مليئة بـالشغف و هو يحاوط بـيد وجهها و بـاليد الاخري خصرها يـشدد علي التصاقها به لعله يطفئ نيران الشوق بـداخله ، انقطعت انفاسها و ظهر هذا بـلهاثها حين ابتعد عنها حسام ابتلعت ريقها بـصعوبة و هي تنظر اليه لـ يمرر يده علي خصرها بـرفق و هو يقول :
_ عايز اتمم جوازك منك يا زينة مش عايز نفترق ابداً

اغمضت عينها تستمتع بـكلماته اللينة لـ دقيقة حتي انتبهت انه قد اقترب منها من جديد و انها تقف معه علي الدرج لـ تفتح عينها واضعة يدها علي صدره قائلة بـتلعثم :
_ حسام احنا علي السلم و بعدين كلامك دا موتر جداً

داعب انفه بـانفها و هو يتسأل :
_ يعني موافقة و لا في عقبات تاني قدامنا

_ حسام عشان خاطري

توسلت لـ يبتعد لـ ينظر الي عمق عينها و هو يكرر سؤاله مرة اخري لـ تجيبه سريعاً و هي تحاول الابتعاد عنه :
_ حاضر موافقة بس ابعد بقي