من غير ميعاد ج1

مرر شاهين عيونه بينها وبين ذلك المعتوه
ورجع مره أخري يسألها أمتي ده حصل

تنهدت صافي براحه ::
لأنها وصلت لما تريد لتردف يوم الفرح وأنا ماشيه كانت العربيات كتير وأنا وقفت بينهم ماعرفتش أتحرك من الفستان وهو جازف بحياته وجري بينهم بعدني ولولا هو بعد ربنا كان فاتك بتقراء عليا الفاتحه من زمان

أردف بحده ::
طيب يلا علي البيت

ثم مد يده لهادي حتي يساعده علي الوقوف

رفض هادي يده ووقف لوحده بتعب ثم توجه لدراجته حتي يترك المكان

أوقفه صوت شاهين الذي تحول من القسوة للين
ماينفعش تمشي كده لأزم أعتذر لك قدام الكل و اشكرك علي إنقاذ حياة أختي

أردف هادي بسخريه مش محتاج شكرك أنا محتاج أروح أدهن جسمي اللي سيادتك كسرته لأن عندي شغل الصبح

ضحك شاهين علي خفة دمه و جذبه تحت ذراعه بطريقه زادت ألمه وهو يردف تعال معايا بس الجيم وأنا هريحك

إبتعد عنه هادي بتوتر وهو يسأله ليه ناوي تعلقني بدل كيس الملاكمه و تدربوا عليا ماهو مافيش راحه بعد كده

زادت ضحكات شاهين صخبا من كلام ذلك المعتوه

وهو يردف لا بجد أنت عجبتني ودخلت دماغي رغم إن كسرتك بس ماشوفتش الخوف في عنيك
و شكلك اللي بقي شوارع ورغم كده ليك نفسك تهزر وتضحك
*********
يابنتي حرام عليكي خيلتيني من وقت رجوعك وأنتي رايحه جايه زي الراجل اللي بيستني مراته بره أوضة الميلاد

نفخت بضيق وهي تتحدث بخوف بقولك شاهين بيضرب واحد من غير أي وجه حق خايفه يضيع نفسه ويروح في نصيبه

بعد مرور نصف ساعه سمعت طرق علي الباب تحركة بسرعه عندما علمت أنه شاهين تريد أن يطمئن قلبها

رأي الخوف و اللهفه بعيونها وعلم أن صغيرته بها شيء جديد

إبتعدت عن الباب لتسهل له المرور جلس علي أول كرسي وهو يطلب منها الجلوس جواره لتحكي له ما يحدث من خلف ظهره

_فركت يدها وبدأت تحكي له ما حدث

_سألها يعني مافيش أي حاجه بينكم

_ردت بنفي وسرعه لا طبعا أيه اللي هيكون بينا

_طب عرف مكان المستشفي أزاي

_مش عارفه بس أكيد هو كمان ماكانش يعرف إن أنا شغاله هناك

وقف شاهين طيب تمام وبعد كده بلاش تخبي عليا حاجه
ورفع صوته سلام يا خالتي

سمع صوتها وهي تطلب منه البقاء حتي تنهي ما بيدها الإطمئنان عليه
***************
خرجت صافي في اليوم التالي من المستشفي وجدته في إنتظارها خارج البوابه يستند علي دراجته